( vovworld ) - ພາຍຫຼັງໄດ້ຮັບຕຳແໜ່ງເປັນນາຍົກລັດຖະມົນຕີລັດບານປະສົມ, ວັນທີ 21/6, ການນຳພັກປະຊາທິປະໄຕໃໝ່ຕາມທິດນິຍົມຮັກສາເດີມຂອງເກຼັກ ທ່ານ Antonis Samaras ໄດ້ປະກາດບັນຊີລາຍຊື່ຄະນະລັດຖະບານໃໝ່. ເຊິ່ງຕາມນັ້ນແລ້ວ, ທ່ານ Vassilis Rapanos, ປະທານທະນາຄານແຫ່ງຊາດເກຼັກ, ເຊິ່ງແມ່ນທະນາຄານເອກະຊົນໃຫຍ່ກວ່າໝູ່ຢູ່ປະເທດນີ້, ໄດ້ຮັບແຕ່ງຕັ້ງເປັນລັດຖະມົນຕີການເງິນໃນລັດຖະບານປະສົມໃໝ່ຂອງເກຼັກ. ສ່ວນຫຼາຍບັນດາຕຳແໜ່ງລັດຖະມົນຕີທີ່ສຳຄັນອື່ນໄດ້ມອບໃຫ້ບັນດານັກການເມືອງນິຍົມຮັກສາເດີມທີ່ມີຊື່ສຽງ. ລັດຖະມົນຕີການຕ່າງປະເທດຄົນໃໝ່ຂອງເກຼັກ ທ່ານ Dimitris Avramopoulos, ອະດີດເປັນນັກການທູດ ແລະ ກໍແມ່ນອະດີດເຈົ້າຄອງນະຄອນຫຼວງອາແທນ, ລັດຖະມົນຕີກະຊວງປ້ອງກັນປະເທດຄົນໃໝ່ທ່ານ Panos Panagiotopoulos ອະດີດລັດຖະມົນຕີກະຊວງແຮງງງານ. ບຸລິມະສິດຕົ້ນຕໍ່ຂອງລັດຖະບານເກຼັກ ຈະແມ່ນເຊື່ອມຕໍ່ການຕິດຕໍ່ພົວພັນກັບບັນດານັກກວດສອບບັນຊີສາກົນ ແລະ ຟື້ນຟູບັນດາບ້ວງເງິນກູ້ທີ່ຖືກໂຈະໄວ້ກ່ອນການເລືອກຕັ້ງທີ່ຜ່ານມາ.