( vovworld ) – ເກຼັກ ຈະຕ້ອງຈັດຕັ້ງການເລືອກຕັ້ງຄືນໃໝ່ ພາຍຫຼັງການນຳບັນດາພັກຝ່າຍຢູ່ປະເທດນີ້ຖືກປະລາໄຊໃນການສ້າງຕັ້ງລັດຖະບານ, ພາຍຫຼັງການເລືອກຕັ້ງກ່ອນກຳນົດເວລາ 9 ວັນ. ການປະລາໄຊນີ້ຍິ່ງເຮັດໃຫ້ວິກິດການຢູ່ເກຼັກ ເຊິ່ງພວມຍູ້ປະເທດນີ້ເຖິງໄພລົ້ມລະລາຍ ແລະ ຕ້ອງແຍກອອກຈາກພາກພື້ນທີ່ນຳໃຊ້ສະກຸນເງິນລວມເອີໂລຖຶກແກ່ຍາວ. ວັນທີ 15/5, ໂຄສົກຂອງປະທານາທິບໍດີເກຼັກ ໃຫ້ຮູ້ວ່າ ເກຼັກ ຈະຈັດການເລືອກຕັ້ງຄືນໃໝ່ ແຕ່ຍັງບໍ່ທັນໃຫ້ຮູ້ການເລືອກຕັ້ງຈະດຳເນີນໃນເວລາໃດ. ແຕ່ຕາມຂໍ້ກຳນົດການເລືອກຕັ້ງຢູ່ປະເທດນີ້ແລ້ວ, ການເລືອກຕັ້ງອາດສາມາດຈະຈັດຂຶ້ນລະຫວ່າງກາງເດືອນ 6. ລັດຖະບານຊົ່ວຄາວຈະໄດ້ຮັບການສ້າງຕັ້ງຂຶ້ນໃນວັນທີ 16/5 ນີ້, ເພື່ອບໍລິຫານປະເທດຊົ່ວຄາວຈົນກວ່າເວລາຈັດຕັ້ງການເລືອກຕັ້ງຄັ້ງໃໝ່.