( vovworld ) – ວັນທີ 17/2, ສື່ມວນຊົນເກຼັກ ໃຫ້ຂ່າວວ່າ: ລັດຖະບານປະເທດນີ້ໄດ້ຍື່ນສະເໜີແຜນການຫລຸດຜ່ອນຈຳນວນເງິນເພີ່ມເຕີມ 325 ລ້ານເອີໂຣໃຫ້ແກ່ 3 ເຈົ້າໜີ້ສາກົນ ຊື່ງລວມມີ: ຄະນະກຳມະການເອີລົບ, ທະນາຄານສູນກາງເອີລົບ ແລະກອງທຶນເງິນຕາສາກົນ. ກ່ອນໜ້ານັ້ນ, ບັນດາເຈົ້າໜີ້ໄດ້ນາບຂູ່ຈະຢຸດການໜູນຊ່ວຍດ້ານການເງິນໃຫ້ແກ່ເກຼັກ ຖ້າຫາກວ່າອາແທນ ບໍ່ຍົກອອກແຜນການຫລຸດຜ່ອນຈຳນວນເງິນເພີ່ມເຕີມ.
ຕາມແຜນການແລ້ວ, ເກຼັກ ຈະຫລຸດຜ່ອນຈຳນວນເງິນເພີ່ມເຕີມເກືອບ 100 ລ້ານເອີໂຣໃນຂົງເຂດສາທາລະນະສຸກ ແລະປ້ອງກັນຊາດ ແລະ ຫລຸດຜ່ອນການໃຊ້ຈາຍໃນບາງຂົງເຂດອື່ນໆ. ຄາດວ່າ ກົດໝາຍກ່ຽວກັບການຫລຸດຜ່ອນຈຳນວນເງິນເພີ່ມເຕີມຈະຖືກອົງການນິຕິບັນຍັດເກັຼກ ປຶກສາຫາລືເພື່ອຮັບຮອງເອົາກ່ອນວັນທີ 29/2 ທີ່ຈະມາເຖິງ. ກ່ອນໜ້ານັ້ນ. ສະພາແຫ່ງຊາດເກຼັກ ໄດ້ຮັບຮອງເອົາລາຍການເສດຖະກິດຮັດເຂັມຄັດໃນຊຸມປີທີ່ຈະມາເຖິງ ເພື່ອແລກເອົາບ້ວງເງິນກູ້ຢືມທີ 2 ທີ່ມີມູນຄ່າ 130 ຕື້ເອີໂຮ ຈາກສະຫະພາບເອີລົບ ແລະ ກອງທຶນເງິນຕາສາກົນກໍຄືໂຄງການລົບໜີ້ສິນດ້ວຍຈຳນວນເງິນ 100 ຕື້ເອີໂຣ ຊື່ງປະເທດນີ້ໄດ້ກູ້ຢືມຂອງບັນດາເຈົ້າໜີ້ເອກະຊົນ.