(vovworld) - ວັນທີ 09/07, ລັດຖະບານເກຼັກໄດ້ຍື່ນແຜນການປະຕິຮູບດ້ານເສດຖະກິດ ຕາມທິດຕອບສະໜອງຄວາມຮຽກຮ້ອງຂອງບັນດາເຈົ້າໜີ້ ກ່ຽວກັບການປະຕິບັດບັນດາມາດຕະການຫຼຸດຜ່ອນການໃຊ້ຈ່າຍເພື່ອແລກເອົາບ້ວງເງິນກູ້ຢືມ. ຂໍ້ສະເໜີຂອງເກຼັກລວມທັງບັນດາຄຳຮຽກຮ້ອງໜູນຊ່ວຍດ້ານການເງິນໃຫ້ເກຼັກ ໃນຮອບເວລາ 3 ປີ, ສ້າງໂຄງປະກອບໜີ້ສິນໃຫ້ປະເທດນີ້ຄືນໃໝ່ ແລະ ບ້ອງເງິນລົງທຶນທີ່ມີມູນຄ່າ 35 ຕື້ເອີໂລ. ລັດຖະບານເກຼັກ ກໍ່ເຫັນດີກັບຄວາມຮຽກຮ້ອງຂອງບັນດາເຈົ້າໜີ້ກ່ຽວກັບເລື່ອງ ບໍ່ສົ່ງເສີມຄົນງານພັກກິນເບ້ັຍບຳນານກ່ອນກຳນົດ, ພ້ອມທັງເພີ່ມພາສີລາຍຮັບຂຶ້ນລະດັບ 1% ຍອດຜະລິດຕະພັນພາຍໃນ (GDP). ແຜນການຂອງເກຼັກ ຈະຖືກອົງການຕິດຕາມກວດກາລາຍການກູ້ຊ່ວຍປະເທດນີ້ ພິຈະລະນາກ່ອນທີ່ໄດ້ຍົກອອກມາປຶກສາທີ່ກອງປະຊຸມລັດຖະມົນຕີການຄ້າບັນດາປະເທດ Eurozone ໃນວັນທີ 11/07. ເວລານັ້ນ, ບັນດາລັດຖະມົນຕີຈະຕົກລົງແຜນການໄດ້ຕອບສະໜອງບັນດາເງື່ອນໄຂເພື່ອດຳເນີນການເຈລະຈາກ່ຽວກັບບ້ວງເງິນກູ້ຊ່ວຍທີ 3 ໃຫ້ເກຼັກ ໄດ້ຫຼືບໍ່. ຕາມວົງການນັກສັງເກດການແລ້ວ, ບັນດາທະນາຄານຂອງເກຼັກ ຈະຕ້ອງປະເຊີນໜ້າກັບການລົ້ມລະລາຍໃນຕົ້ນສັບປະດາຈະມາເຖິງ, ຖ້າຫາກວ່າ ປະເທດນີ້ບໍ່ບັນລຸໄດ້ຂໍ້ຕົກລົງກັບບັນດາເຈົ້າໜີ້ ໃນທ້າຍສັບປະດານີ້.