ເກຼັກຕອບສະໜອງ ເງື່ອນໄຂສຳຄັນເພື່ອ ຮັບບ້ວງເງິນຊ່ວຍກູ້
ການປະທ້ວງຄັດຄ້ານມາດຕະການແກ້ໄຂເສດຖະກິດແບບຮັດເຂັມຂັດຂອງລັດຖະບານເກຼັກໃນປີທີ່ຜ່ານມາ (ພາບ:internet)
|
Vovworld- ຕອນບ່າຍວັນທີ 14/1, ສະພາແຫ່ງຊາດເກຼັກ ໄດ້ຮັບຮອງເອົາຮ່າງກົດໝາຍ, ໃນນັ້ນລວມມີ ບັນດາການກະທຳບຸລິມະສິດສຸດທ້າຍ ຊຶ່ງ ອາແທນ ຕ້ອງປະຕິບັດຕາມຄວາມຕ້ອງການຂອງເຈົ້າໜີ້ສາກົນ ເພື່ອຈະໄດ້ຮັບບ້ວງເງິນຊ່ວຍກູ້ການເງິນຄັ້ງຕໍ່ໄປ ແນໃສ່ຜ່ານຜ່າວິກິດການໜີ້ສາທາລະນະປະຈຸບັນ. ຮ່າງກົດໝາຍດັ່ງກ່າວ ລວມມີຫຼາຍໝວດ, ໃນນັ້ນ ມີ 7 ກົດໝາຍຂະໜາດນ້ອຍທີ່ກ່ຽວຂ້ອງເຖິງຫຼາຍບັນຫາ ຈາກການປັບປຸງເພີ່ມເຕີບໃນເນື້ອໃນສັນຍາຊ່ວຍກູ້ລະຫວ່າງເກຼັກ ກັບສະຫະພາບເອີລົບ ແລະ ກອງທຶນສາກົນ, ຕະຫຼອດຮອດການຄວບຄຸມການເງິນຢ່າງແໜ້ນແຟ້ນກ່ຽວກັບງົບປະມານທີ່ສະໜອງໃຫ້ແກ່ກະຊວງຕ່່າງໆ. ການຮັບຮອງເອົາຮ່າງກົດໝາຍນີ້ ພ້ອມກັບຮ່າງກົດໝາຍໃໝ່ກ່ຽວກັບສ່ວຍສາອາກອນຊຶ່ງສະພາແຫ່ງຊາດເກຼັກ ໄດ້ຮັບຮອງເອົາເມື່ອທ້າຍອາທິດແລ້ວນີ້, ກໍແມ່ນໜຶ່ງໃນບັນດາເງື່ອນໄຂຕົ້ນຕໍ ທີ່ປະເທດນີ້ຕ້ອງປະຕິບັດເພື່ອຮັບບ້ວງເງິນຊ່ວຍກູ້ຄັ້ງຕໍ່ໄປລວມມຸນຄ່າ 9 ຕື້ເອີໂຣ ຈາກສະຫະພາບເອີລົບ ແລະ ກອງທຶນສາກົນ. ນີ້ຖືກຖືວ່າແມ່ນສັນຍາອັນຕັ້ງໜ້າຕໍ່ໜ້າກອງປະຊຸມ ຊຶ່ງຈະດຳເນີນໃນອາທິດໜ້າຂອງການນຳກຸ່ມບັນດາປະເທດໃຊ້ເງິນເອີໂຣລວມ ເພື່ອປຶກສາຫາລືບັນດາບາດກ້າວຕໍ່ໄປເພື່ອແນໃສ່ຊ່ວຍເກຼັກສະກັດກັ້ນໄພລົ້ມລະລາຍ .