(vovworld) – ວັນທີ 1/7, ລັດຖະບານເກັຼກຢືນຢັນວ່າ: ລັດຖະບານເກັຼກ ໄດ້ສົ່ງຂໍ້ສະເໜີ “ໄດ້ຮັບການປັບປຸງ” ໃນຈຸດເວລາສຸດທ້າຍເຖິງບັນດາເຈົ້າໜີ້ສາກົນຂອງປະເທດນີ້ດ້ວຍຄວາມຫວັງວ່າຈະບັນລຸໄດ້ຂໍ້ຕົກລົງ ເພື່ອແນໃສ່ສະກັດກັ້ນວິກິດການດ້ານການເງິນ. ຕາມແຫຼ່ງຂ່າວຈາກລັດຖະບານເກັຼກ ແລ້ວ, ໃນຂໍ້ສະເໜີສົ່ງເຖິງສະຫະພາບເອີລົບ (EU), ທະນາຄານສູນກາງເອີລົບ (ECB) ແລະ ກອງທຶນເງິນຕາສາກົນ (IMF) ໃນຕອນຄຳ່ວັນທີ 30/6 ກ່ອນທີ່ບ້ວງເງິນກູ້ຊ່ວຍຂອງ Athens ໝົດກຳນົດເວລາ, ທ່ານນາຍົກລັດຖະມົນຕີເກັຼກ Alexis Tsipras ໄດ້ຮຽກຮ້ອງກ່ຽວກັບ “ຂໍ້ຕົກລົງໃໝ່, ຕາມນັ້ນແລ້ວກຳນົດບັນດາບັນຫາດ້ານການເງິນຂອງປະເທດນີ້ຜ່ານກົນໄກສ້າງຄວາມໝັ້ນຄົງເອີລົບ(ESM) ເພື່ອແນໃສ່ຮັບປະກັນຄວາມສາມາດ ການຊຳລະໜີ້ດ້ວຍວິທີເອົາໃຈໃສ່ເປັນພິເສດເຖິງການເຕີບໂຕ”. ລັດຖະບານເກັຼກ ໃຫ້ຮູ້ວ່າ: ບໍ່ວ່າຂໍ້ຕົກລົງໃດໆກໍອະນຸຍາດໃຫ້ Athens ຫຼຸດຜ່ອນ 30% ພາສີອາກອນມູນຄ່າເພີ່ມ (VAT) ແລະ ໂຈະການປັບປຸງເງິນເດືອນໃຫ້ຜູ້ກິນເບ້ຍບຳນານເຖິງເດືອນ 10/2015.