(vovworld) - ເກີນເທີ ຕ້ອງສ້າງບາດກ້າວບຸກທະລຸໃນການພັດທະນາເຕັກໂນໂລຊີສູງ, ນີ້ແມ່ນຄຳຊີ້ນຳຂອງທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ ໃນການເຮັດວຽກກັບການນຳຫຼັກແຫຼ່ງນະຄອນເກີນເທີ ກ່ຽວກັບສະພາບການປະຕິບັດໜ້າທີ່ພັດທະນາເສດຖະກິດສັງຄົມ, ກໍ່ຄືແກ້ໄຂບັນດາຄວາມຫຍຸ້ງຍາກ, ສິ່ງຄ້າງຄາເພື່ອໃຫ້ເກີນເທີ ສືບຕໍ່ພັດທະນາຢ່າງວ່ອງໄວ ແລະ ຍືນຍົງ, ເສີມຂະຫຍາຍທ່ີຕັ້ງ, ບົດບາດເປັນສູນກາງ, ສ້າງການແຜ່ລາມພັດທະນາໃຫ້ເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ. ທ່ານນາຍົກລັດຖະມົນຕີ ຫງວຽນເຕີນຢຸງ ເນັ້ນໜັກວ່າ.
“ປະຈຸບັນ, ພື້ນຖານໂຄງລ່າງຂອງເກີນເທີ ໄດ້ຄົບຊຸດພໍສົມຄວນແລ້ວ. ໃນໄລຍະຈະມາເຖິງ ເກີນເທີ ຕ້ອງຄິດໄລ່, ມີຄວາມຂະຫຍັນຂັນເຄື່ອນ, ດຶງດູດບັນດານັກລົງທຶນເຂົ້າໃນຂົງເຂດເຕັກໂນໂລຊີສູງ, ອຸດສາຫະກຳຜະລິດກົນຈັກ, ເຄື່ອງອຸປະກອນໃຫ້ກະສິກຳ, ສິນໃນນ້ຳ. ທາງແຂວງ ຄົ້ນຄວ້າຕາມທິດດັ່ງກ່າວ ແລ້ວສ້າງກົນໄກຄົ້ນຄວ້າໃຫ້ເປັນຜະລິດຕະພັນຕະຫຼາດ”.
ພ້ອມກັບການພັດທະນາບັນດາຂະແໜງການບໍລິການທີ່ມີມາແຕ່ດົນນານ, ທ່ານນາຍົກລັດຖະມົນຕີ ຫງວຽນເຕີນຢຸງ ກໍ່ຕັກເຕືອນນະຄອນເກີນເທີ ສືບຕໍ່ຍູ້ແຮງບັນດາການເຄື່ອນໄຫວດ້ານການທ່ອງທ່ຽວ ຄຽງຄູ່ກັບການສົ່ງເສີມການພັດມະນາພື້ນຖານໂຄງລ່າງຄືໂຮງແຮມ, ເຂດພັກຜ່ອນຢ່ອນອາລົມທີ່ມີຄຸນນະພາບສູງ ຕິດພັນກັບການສ້າງ ແລະ ປະຕິບັດບັນດາລາຍການທ່ອງທ່ຽວແບບຍື່ນຍົງ. ແລະກໍ່ທີ່ການເຮັດວຽກ, ທ່ານນນາຍົກລັດຖະມົນຕີ ຫງວຽນເຕີນຢຸງ ແລະ ທ່ານຮອງນາຍົກລັດຖະມົນຕີ ຫວູດຶກດາມ ແລະ ການນຳບາງກະຊວງ, ຂະແໜງການສູນກາງໄດ້ຍົກອອກຄຳເຫັນກຳນົດທິດແກ້ໄຂບັນດາຂໍ້ສະເໜີແນະຂອງນະຄອນເກີນເທີ ທີ່ກ່ຽວຂ້ອງເຖິງການຮັບແຫຼ່ງທຶນໜູນຊ່ວຍ ODA; ໜູນຊ່ວຍຄ່າໃຊ້ຈ່າຍລົງທຶນພື້ນຖານໂຄງລ່າງ.