ເກືອບ 50 ໂຄງການລົງທຶນເຂົ້າເຂດເສດຖະກິດ ເຈີນເມີຍ - ລັງໂກ
(VOVWORLD) -ໃນ 2 ເດືອນຕົ້ນປີ 2019, ເຂດເສດຖະກິດ ເຈີນເມີຍ - ລັງໂກ ໄດ້ດຶງດູດ 4 ໂຄງການລົງທຶນທີ່ມີຂອບຂະໜາດໃຫຍ່ຕື່ມອີກ ດ້ວຍຍອດຈຳນວນທຶນຈົດທະບຽນກວ່າ 700 ລ້ານ USD.
ສະນັ້ນ, ມາຮອດປະຈຸບັນ, ເຂດເສດຖະກິດ ເຈີນເມີຍ - ລັງໂກ ດຶງດູດໄດ້ເກືອບ 50 ໂຄງການລົງທຶນ ດ້ວຍຈຳນວນທຶນຈົດທະບຽນກວ່າ 3 ຕື້ USD. ເພື່ອດຶງດູດການລົງທຶນ, ແຂວງ ເທື່ອທຽນ - ເຫ້ວ ສືບຕໍ່ພັດທະນາພື້ນຖານໂຄງລ່າງດ້ານເຕັກນິກຢູ່ເຂດເສດຖະກິດ. ທ່າກ່ຳປັ່ນ ເຈີນເມີຍ ພວມສ້າງໃຫ້ສຳເລັດພື້ນຖານໂຄງລ່າງ; ຍົກສະມັດຕະພາບໃນການຮັບສິນຄ້າຜ່ານບັນດາທ່າກ່ຳປັ່ນໃຫ້ຂຶ້ນເຖິງ 6 ລ້ານໂຕນໃນແຕ່ລະປີ. ປີ 2020, ທາງແຂວງ ຈະຮັບປະກັນໃຫ້ບັນດາທ່າກ່ຳປັ່ນໄດ້ເຄື່ອນໄຫວຢ່າງເປັນປົກກະຕິ, ສ້າງເງື່ອນໄຂສະດວກເພື່ອໃຫ້ບັນດາສາງຮັບສົ່ງ ຄອນເທນເນີ ແລະ ຮັບປະກັນຄວາມປອດໄພໃຫ້ກ່ຳປັ່ນ ຄອນເທນເນີ ເຂົ້າທຽບທ່າ.
ພ້ອມກັບທ່າກ່ຳປັ່ນ, ພື້ນຖານໂຄງລ່າງຄົມມະນາຄົມຢູ່ເຂດເສດຖະກິດເຈີນເມີຍ - ລັງໂກ ກໍ່ພວມໄດ້ຮັບການສ້າງໃຫ້ສຳເລັດເທື່ອລະກ້າວ, ສ້າງລະບົບທາງຄົມມະນາຄົມເຊື່ອມຕໍ່ກັນລະຫວ່າງບັນດາໂຄງການທ່ອງທ່ຽວ, ອຸດສາຫະກຳ ແລະ ທ່າກ່ຳປັ່ນ.