ເຂດທັດສະນີຍະພາບ ຈ່າງອານ-ນິງບິ່ງ ກາຍເປັນມໍລະດົກ ໂລກ
(ພາບ: vov)
(vovworld)- ຕາມຂ່າວຈາກກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ, ວັນທີ 23/6, ຢູ່ນະຄອນຫຼວງໂດຮາ, ປະເທດ ກາຕາ, ຄະນະກຳມະການມໍລະດົກໂລກອູແນສໂກ ໄດ້ນຳເຂດທັດສະນີຍະພາບຈ່າງອານ-ແຂວງນິງບິ່ງ ຂອງຫວຽດນາມ ເຂົ້າໃນບັນຊີລາຍຊື່ມໍລະດົກໂລກ. ຄຸນຄ່າພົ້ນເດັ່ນທົ່ວໂລກຂອງເຂດທັດສະນີຍະພາບຈ່າງອານ ໄດ້ຮັບການຮັບຮອງຈາກຄະນະກຳມະການມໍລະດົກໂລກ ອີງຕາມ 3 ເສົາຄ້ຳຕົ້ນຕໍ່, ກຳນົດຢູ່ໃນເອກະສານແນະນຳການປະຕິບັດສົນທິສັນຍາກ່ຽວກັບການຮັກສາມໍລະດົກວັດທະນະທຳ ແລະ ທຳມະຊາດໂລກ, ນັ້ນແມ່ນບັນລຸຄາດໝາຍກ່ຽວກັບ: ວັດທະນະທຳ, ຄວາມສວຍງາມ, ທໍລະນີສາດ; ຮັບປະກັນລັກສະນະຮອບດ້ານ ແລະ ຖືກຕ້ອງ, ໄດ້ປະຕິບັດ ແລະ ຮັບປະກັນການປະຕິບັດການຮັກສາ, ຄຸ້ມຄອງມໍລະດົກຢ່າງຄົບຖ້ວນ. ເລື່ອງອູແນສໂກ ໄດ້ນຳເຂດທັດສະນີຍະພາບຈ່າງອານ ເຂົ້າໃນບັນຊີລາຍຊື່ມໍລະດົກໂລກທີ່ສະໄໝປະຊຸມຄັ້ງນີ້ ໄດ້ຍົກຈຳນວນມໍລະດົກວັດທະນະທຳ ແລະ ທຳມະຊາດໂລກທັງໝົດຂອງຫວຽດນາມ ຂຶ້ນເປັນເຂດມໍລະດົກ 8 ແຫ່ງ. ພິເສດ, ເຂດທັດສະນີຍະພາບຈ່າງອານ-ນິງບິ່ງ ກາຍເປັນມໍລະດົກໂລກປະສົມແຫ່ງທຳອິດຂອງຫວຽດນາມ ໄດ້ຮັບການຮັບຮອງເອົາທັງຄາດໝາຍດ້ານວັດທະນະທຳ ແລະ ທຳມະຊາດ./.