ເຄົາລົບກົດໝາຍສາກົນ ແມ່ນພື້ນຖານຮັບປະກັນ ສັນຕິພາບ
ທ່ານຟ້າມບິງມິງກ່າວປາໄສທີ່ວາລະປະຊຸມປຶກສາຫາລື
ຂັ້ນສູງສະມັດຊາໃຫ່ຍ ສປຊ ຊຸດທີ 69
(ພາບ: Lê Dương - TTXVN)
(vovworld) –ແຕ່ວັນທີ 24-30/9, ຢູ່ນິວຢອກ, ປະເທດອາເມລິກາ, ໄດ້ຈັດວາລະປະຊຸມປຶກສາຫາລືຂັ້ນສູງ ສະມັດຊາໃຫ່ຍ ສປຊ ຊຸດທີ 69 ໂດຍມີການເຂົ້າຮ່ວມຂອງປະມຸກລັດ 144 ທ່ານ ແລະ ການນຳຂັ້ນສູງປະເທດຕ່າງໆອີກຫຼາຍທ່ານ. ຕອນບ່າຍວັນທີ 27/9, ຕາງໜ້າລັດຖະບານຫວຽດນາມ, ທ່ານຟ້າມບິງມິງ, ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດໄດ້ມີບົດກ່າວປາໄສ, ແບ່ງປັນຄວາມເອົາໃຈໃສ່ຕໍ່ບັນດາບັນຫາສາກົນພົນເດັ່ນຂຶ້ນໃນປະຈຸບັນ, ຍົກອອກສານ ແລະ ການປະກອບສ່ວນຂອງຫວຽດນາມ ສຳລັບການແກ້ໄຂບັນດາບັນຫາທົ່ວໂລກຊື່ງປະຊາຄົມໂລກພວມສົນໃຈ.
ທ່ານຟ້າມບິງມິງ, ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຮຽກ ຮ້ອງໃຫ້ ສປຊ ແລະ ບັນດາປະເທດສະມາຊິກ ຈົ່ງມານະພະຍາຍາມສູ້ຊົນກ່ວາອີກໃນການເພີ່ມທະວີສັນຕິພາບ, ການປ້ອງກັນຄວາມສະຫງົບສາກົນ, ສະກັດກັ້ນໄພເກີດການປະທະກັນ ແລະ ຊອກຫາມາດຕະການຢຸດຕິບັນດາການປະທະກັນໃນປະຈຸບັນ. ທ່ານຊີ້ແຈ້ງວ່າ: “ເຄົາລົບກົດໝາຍສາກົນແມ່ນພື້ນຖານຮັບປະກັນສັນຕິພາບ, ຮັບໃຊ້ການພັດທະນາແບບຍືນຍົງ“. ທ່ານຟ້າມບິງມິງ ຢືນຢັນວ່າ: ຍາມໃດຫວຽດນາມ ກໍ່ເຄົາລົບນັບຖືບົດບາດ, ສຽງເວົ້າຂອງບັນດາລະບອບ, ເວທີປາໄສຫຼາຍຝ່າຍ, ໃນນັ້ນມີ ສປຊ ທີ່ມີຕໍ່ບັນດາບັນຫາຄວາມສະຫງົບປອດໄພ, ການພັດທະນາຂອງພາກພື້ນ ແລະ ໂລກ. ຫວຽດນາມ ພວມຕັ້ງໜ້າເຂົ້າຮ່ວມວິວັດການສ້າງໂຄງານດຳເນີນງານກ່ຽວກັບການພັດທະນາຫຼັງປີ 2015; ເສີມຂະຫຍາຍບົດບາດເປັນສະມາຊິກຂອງສະພາສິດທິມະນຸດ ສປຊ ອາຍຸການ 2014-2016./.