(vovworld) - ໃນການກະທຳທີ່ສະແດງໃຫ້ເຫັນຄວາມປາດຖະໜາປົວແປງການພົວພັນລະຫວ່າງອາເມລິກາ ແລະ ເວເນຊູເອລາ, ວັນທີ 13/06, ຢູ່ Haiti, ທີ່ປຶກສາກະຊວງການຕ່າງປະເທດອາເມລິກາ ທ່ານ Thomas Shannon ໄດ້ມີການພົບປະກັບທ່ານປະທານສະພາແຫ່ງຊາດເວເນຊູເອລາ Diosdado Cabello ແລະ ທ່ານລັດຖະມົນຕີວ່າການກະຊວງການຕ່າງປະເທດຂອງປະເທດນີ້ Delcy Rodriguez. ການພົບປະລະຫວ່າງທ່ານ Thomas Shannon ແລະ ທ່ານ Diosdado Cabello ເຊິ່ງໄດ້ຮັບຖືວ່າ ການນຳຜູ້ທີ 2 ຂອງເວເນຊູເອລາ ຮອງຈາກທ່ານປະທານາທິບໍດີ Nicolas Maduro ດ້ວຍຄວາມມານະພະຍາຍາມເປັນຄົນກາງຂອງທ່ານປະທານາທິບໍດີ Haiti, Michel Martelly. ທ່ານ Rodriguez ຊີ້ແຈ້ງວ່າ ການພົບປະເພື່ອແນໃສ່ປຶກສາຫາລືການ ຫັນການພົວພັນ 2 ຝ່າຍເປັນປົກກະຕິ, ບົນຈິດໃຈເຂົ້າລົບກົດໝາຍສາກົນ, ອະທິປະໄຕ ແລະ ສິດຕັດສິນດ້ວຍຕົນເອງຂອງປະຊາຊົນ.