ເຊີດຊູທ່ານໝໍໜຸ່ມທີ່ດີເດັ່ນທົ່ວປະເທດ 10 ຄົນ
ທ່ານໝໍໜຸ່ມກວດພະຍາດໃຫ້ເດັກນ້ອຍ
(ພາບອິນເຕີແນດ)
(vovworld) - ຕອນບ່າຍວັນທີ 17/2, ຢູ່ ຮ່າໂນ້ຍ, ສູນກາງສະມາຄົມ, ສະຫະພັນຊາວໜຸ່ມ ຫວຽດນາມ, ສະມາຄົມທ່ານໝໍໜຸ່ມ ຫວຽດນາມ ຈັດຕັ້ງພິທີຍ້ອງຍໍທ່ານໝໍໜຸ່ມ ຫວຽດນາມ ທີ່ດີເດັ່ນທົ່ວປະເທດປີ 2016. ນີ້ແມ່ນພິທີຍ້ອງຍໍຖືກຈັດຂຶ້ນປະຈຳປີ, ນັບແຕ່ປີ 2008 ເຖິງປະຈຸບັນ, ເພື່ອແນໃສ່ເຊີດຊູ, ຍ້ອງຍໍຜົນງານຂອງບັນດາທ່ານໝໍໜຸ່ມທີ່ດີເດັ່ນໃນວຽກງານສົ່ງເສີມສຸຂະພາບປະຊາຊົນ; ຄົ້ນຄ້ວາວິທະຍາສາດ, ອາສາສະໝັກເພື່ອສຸຂະພາບປະຊາຄົມ. ຈາກນັ້ນທະວີຄູນບັນດາແບບຢ່າງທ່ານໝໍໜຸ່ມ ຫວຽດນາມ ທີ່ດີເດັ່ນ, ພ້ອມທັງສ້າງກຳລັງໜູນຊຸກຍູ້ການພັດທະນາບັນດາສະມາຄົມ, ສະໂມສອນທ່ານໝໍໜຸ່ມຂັ້ນແຂວງ ແລະ ສະມາຄົມທ່ານໝໍໜຸ່ມ ຫວຽດນາມ. ອ້າຍ ເຈິ່ນຊວນແບກ, ຮອງ ສາສະດາຈານ, ປອ, ສະຖາບັນກໍ່ສ້າງແພດສາດສຳຮອງ ແລະ ການແພດປະຊາຄົມ, ມະຫາວິທະຍາໄລແພດສາດ ຮ່າໂນ້ຍ, ແມ່ນໜຶ່ງໃນຈຳນວນທ່ານໝໍໜຸ່ມທີ່ດີເດັ່ນທົ່ວປະເທດ 10 ຄົນ, ໃຫ້ຮູ້ວ່າ:
“ລາງວັນທ່ານໝໍໜຸ່ມ ຫວຽດນາມ ແມ່ນການເຊີດຊູ, ການຮັບຮອງຢ່າງໃຫຍ່ຫຼວງຂອງຂະແໜງການແພດ ກໍ່ຄືທົ່ວສັງຄົມສຳລັບທ່ານໝໍໜຸ່ມພວກຂ້າພະເຈົ້າ. ໂດຍແມ່ນຊາວໜຸ່ມຜູ້ໜຶ່ງ, ທັງແມ່ນພະນັກງານໜຸ່ມໃນຂະແໜງການແພດ, ພ້ອມກັບຄົນໜຸ່ມຕ່າງໆ, ຍາມໃດພວກຂ້າພະເຈົ້າກໍ່ມີຄວາມໄຝ່ຝັນ ແລະ ພະຍາຍາມເພື່ອຍົກສູງຄຸນນະພາບການສົ່ງເສີມສຸຂະພາບ, ກໍ່ຄືບັນດາຂົງເຂດອື່ນໆຄືບຳລຸງສ້າງ, ຄົ້ນຄ້ວາວິທະຍາສາດຢ່າງບໍ່ຢຸດຢັ້ງ“.