ເຊີດຊູນັກທຸລະກິດຍິງອາຊຽນ ທີ່ດີເດັ່ນ
ພິທີເຊີດຊູນັກທຸລະກິດຍິງອາຊຽນ ທີ່ດີເດັ່ນ
(ພາບ: chinhphu.vn)
(vovworld) – ພິທີເຊີດຊູນັກທຸລະກິດຍິງ 38 ຄົນ ທີ່ມາຈາກ 10 ປະເທດອາຊຽນ ຖືກດຳເນີນໃນຕອນເຊົ້າວັນທີ 07/03, ຢູ່ຮ່າໂນ້ຍ. ກ່າວຄຳເຫັນທີ່ພິທີ, ທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟຸກ ຢືນຢັນວ່າ, ບັນດານັກທຸລະກິດຍິງອາຊຽນ ທີ່ດີເດັ່ນໄດ້ນຳໜ້າໃນວິວັດການເຊື່ອມໂຍງ, ກຳໄດ້ກາລະໂອກາດຈາກບັນດານະໂຍບາຍ, ພຶດຕິກຳຕົວຈິງ, ຈາກສະພາບແວດລ້ອມແຫ່ງການດຳເນີນທຸລະກິດ. ເລື່ອງເຊີດຊູຄັ້ງນີ້, ຈະສ້າງກຳລັງໜູນ ຊ່ວຍລະດົມກຳລັງໃຈ ແລະ ຊຸກຍູ້ເຈດຈຳນົງບືນຕົວຂຶ້ນໃນການດຳເນີນທຸລະກິດຂອງແມ່ຍິງ. ຕາມທ່ານຮອງນາຍົກລັດຖະມົນຕີແລ້ວ, ພ້ອມກັບທ່າອຽງລວມຂອງອາຊຽນ, ຫວຽດນາມ ພວມມະນະພະຍາຍາມສ້າງກອບກົດໝາຍກ່ຽວກັບຄວາມສະເໝີພາບລະຫວ່າງຍິງ - ຊາຍ ໃຫ້ສຳເລັດ, ປະຕິບັດນະໂຍບາຍຮັບປະກັນບັນດາສິດຂອງແມ່ຍິງ. ໜຶ່ງໃນບັນດາບຸລິມະສິດພົ້ນເດັ່ນຂອງຫວຽດນາມ ແມ່ນຫຼຸດຜ່ອນຄວາມຜິດໂຕນທາງເພດໃນຂົງເຂດເສດຖະກິດ, ແຮງງານ, ວຽກເຮັດງານທຳ, ເພີ່ມທະວີການສຳພັດກັບບັນດາແຫຼ່ງກຳລັງດ້ານເສດຖະກິດ, ຕະຫຼາດແຮງງານຂອງແມ່ຍິງທຸກຍາກຢູ່ເຂດຊົນນະບົດ, ແມ່ຍິງເຂດຊົນເຜົ່າສ່ວນໜ້ອຍ.