ເຊີດຊູບັນດາສາດສະ ດາຈານ,ຮອງສາດສະ ດາຈານປີ 2013
(ພາບ: thethaovanhoa.vn )
(vovworld)- ວັນທີ 18/11, ຢູ່ວັນມຽວ-ກວກຕື້ຢາມ-ຮ່າໂນ້ຍ, ໄດ້ຈັດໃຫ້ມີພິທີປະກາດ ແລະ ມອບໃບຢັ້ງຢືນໃຫ້ສາດສະດາຈານ 57 ທ່ານ, ຮອງສາດສະດາຈານ 514 ທ່ານ ທີ່ໄດ້ບັນລຸມາດຖານເປັນສາດສະດາຈານ, ຮອງສາດສະດາຈານປີ 2013. ກ່າວຄຳເຫັນນະທີ່ນີ້, ທ່ານດິງເທຮິງ ກຳມະການກົມການເມືອງ, ເລຂາສູນກາງພັກ, ຫົວໜ້າຄະນະໂຄສະນາສຶກສາສູນກາງ ຢືນຢັນວ່າ: ບັນດາສາດສະດາຈານ, ຮອງສາດສະດາຈານ ໄດ້ຮັບຮອງຄັ້ງນີ້ ມີມາດຖານດ້ານຄວາມສາມາດ, ລະດັບຄວາມຮູ້ ແລະ ບັນດາກິດຈະການຄົ້ນຄ້ວາວິທະຍາສາດ:
“ເພື່ອປະຕິບັດຈຸດໝາຍສ້າງສາປະເທດຫວຽດນາມ ມີ ປຊຊ ຮັ່ງມີ, ປະເທດຊາດເຂັ້ມແຂງ, ປະຊາທິປະໄຕ, ສີວິໄລ, ຖັນແຖວນັກປັນຍາຊົນມີບົດບາດສຳຄັນທີ່ສຸດ. ໃນນັ້ນ, ບັນດາສາດສະດາຈານ, ຮອງສາດສະດາຈານ ແມ່ນກຳລັງຫຼັກແຫຼ່ງໃນພາລະກິດການສຶກສາ, ເພື່ອແນໃສ່ຍົກສູງລະດັບຄວາມຮູ້ຂອງ ປຊຊ, ບຳລຸງສ້າງຊັບພະຍາກອນມະນຸດ, ປະກອບສ່ວນນຳປະເທດຊາດຫລຸດພົ້ນອອກຈາກຄວາມທຸກຍາກອິດຫິວ“.