ເຊີດຊູຜູ້ບໍລິຈາກເລືອດ 100ຄົນດີເດັ່ນໃນປີ2015
ຜູ້ບໍລິຈາກເລືອດທີດີເດັ່ນປີ 2015
(ພາບ: vovgiaothong.vn)
|
(vovworld) – ຕອນຄ່ຳວັນທີ 14/6, ຢູ່ຮ່າໂນ້ຍ, ຄະນະຊີ້ນຳແຫ່ງຊາດຂົນຂວາຍການບໍລິຈາກເລືອດໄດ້ຈັດຕັ້ງ “ພິທີເຊີດຊູຜູ້ບໍລິຈາກເລືອດ ຫວຽດນາມ ດີເດັ່ນປີ 2015”. ຜູ້ບໍລິຈາກເລືອດດີເດັ່ນໃນທົ່ວປະເທດ 100 ຄົນໄດ້ຮັບການເຊີດຊູໃນໂອກາດນີ້. ການບໍລິຈາກເລືອດອາສາສະໝັກກາຍເປັນຈຸດດີງາມທີ່ເຕັມໄປດ້ວຍລັກສະນະວັດທະນະທຳມະນຸດຂອງວົງຄະນະຍາດ ສັງຄົມຢ່າງແທ້ຈິງ. ປີ 2014, ຜູ້ບໍລິຈາກເລືອດອາສາສະໝັກໃນທົ່ວປະເທດໄດ້ບໍລິຈາກເລືອດກ່ວາ 1 ລ້ານຖົງ, ຮັບໃຊ້ວຽກງານກວດ, ປິນປົວພະຍາດ. ທ່ານ ເຈີ່ນງວຽນຮ່ວາ, ຊາວນະຄອນ ໂຮ່ຈີມິນ ທີ່ໄດ້ບໍລິຈາກເລືອດ 74 ຄັ້ງ, ສະແດງວ່າ:
“ຂ້າພະເຈົ້າຢາກອຸທິດສ່ວນສິ່ງໃດໜຶ່ງໃຫ້ສັງຄົມ. ຂ້າພະເຈົ້າຄິດວ່າເລືອດຈະໄດ້ສົງເຖິງຄົນເຈັບເພື່ອປິນປົວພະຍາດ. ເມື່ອຄິດຄືແນວນັ້ນຂ້າພະເຈົ້າກໍ່ຮູ້ສຶກພາກພູມໃຈຫຼາຍ.”
ກ່າວຄຳເຫັນທີ່ພິທີ, ທ່ານ ຫງວຽນທ້ຽນເຍີນ, ກຳມະການກົມການເມືອງ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ສະເໜີໃຫ້ບັນດາອົງການສື່ມວນຊົນສືບຕໍ່ຍູ້ແຮງການໂຄສະນາເຜີຍແຜ່ຜົນປະໂຫຍດຂອງການບໍລິຈາກເລືອດທີ່ມີຕໍ່ຄວາມຮັບຜິດຊອບ ແລະ ໜ້າທີ່ຂອງປະຊາຊົນທຸກຄົນ, ຈາກນັ້ນສ້າງຂະບວນການບໍລິຈາກອາສາສະໝັກນັບມື້ນັບພັດທະນາຢ່າງໝັ້ນຄົງ.