( vovworld ) - ຕອນເຊົ້າວັນທີ 19/6, ຢູ່ນະຄອນໂຮ່ຈິມິນ, ວາລະສານ Nhip cau dau tu ແປວ່າ: ຂົວເຊື່ອມຕໍ່ການລົງທຶນ ແລະ ບໍລິສັດຫຸ້ນສ່ວນຫຼັກຊັບ ທຽນຫວຽດ ຈັດຕັ້ງການເຊີດຊູ “ ວິສາຫະກິດ 50 ແຫ່ງທີ່ດຳເນີນທຸລະກິດຢ່າງມີປະສິດທີ່ຜົນທີ່ສຸດຢູ່ຫວຽດນາມ” ປີ 2012. ລາຍການໄດ້ສຳຫຼວດລົງເລີກ ແລະ ຈັດອັນດັບຈຳນວນ 50 ວິສາຫະກິດນີ້ ໄດ້ສົມທຽບຈາກຕາຕະລາງວິສາຫະກິດມີອິດທິພົນຊື່ສຽງສາກົນ, ບັນດາມາດຕະການຕີລາຄາຍຸດທະສາດຂອງວິສາຫະກິດຂອງອົງການປຶກສາຫາລື ຄຸ້ມຄອງທົ່ວໂລກ… ສະພາສຳຫຼວດໄດ້ອີງໃສ່ 4 ລະດັບການເຕີບໂຕສະເລ່ຍໃນ 3 ປີ 2009 – 2011 ຂອງບັນດາວິສາຫະກິດ. ທ່ານ Nguyen Thanh Tung, ຮອງຜູ້ອຳໜ່ວຍການໃຫຍ່ບໍລິສັດຫຸ້ນສ່ວນ Vinacafe ບຽນຮ່ວາ, ຫົວໜ່ວຍໄດ້ຮັບລາງວັນດັ່ງກ່າວ ເວົ້າວ່າ.
“ ຂ້າພະເຈົ້າເຊື່ອໝັ້ນຕໍ່ໝາກຜົນຂອງການສຳຫຼວດຄັ້ງນີ້ ເພາະເຂົາເຈົ້າໄດ້ນຳໃຊ້ບັນດານັກຊ່ຽວຊານຕ່າງປະເທດ ແລະ ທາບທາມບັນດາມາດຕະຖານຂອງການເລືອກເຟັ້ນຄັ້ງຕ່າງໆໃນໂລກ, ມັນທັງມີລັກສະນະພາວະວິໄສ ແລະ ວິທະຍາສາດ. ການສຳຫຼວດເປັນໜ້າໄວ້ເນື້ອເຊື່ອໃຈ ແລະ ແມ່ນຂ້ໍມູນຂ່າວສານເພື່ອທາບທາມທີ່ດີໃຫ້ແກ່ບັນດານັກລົງທຶນ. ເລື່ອງຍົກອອກບັນດາການເລືອກເຟັ້ນນີ້ ມີ 2 ຄວາມໝາຍແມ່ນ ສະຫຼຸບວິວັດການເຄື່ອນໄຫວຂອງບັນດາບໍລິສັດຫວຽດນາມ ໃນ 3 ປີທີ່ຜ່ານມາ ແລະ ແມ່ນແຫຼ່ງລະດົມກຳລັງໃຈແກ່ບັນດາບໍລິສັດມີຄວາມເຊື່ອໝັ້ນໃນການເຄື່ອນໄຫວຜະລິດດຳເນີນທຸລະກິດກວ່າ. ”