ເຊີດຊູຮູບພາບປະເທດຫວຽດນາມທີ່ສວຍງາມຜ່ານການເສັງຮູບພາບທ່ອງທ່ຽວ “ຫວຽດນາມວັນນີ້”
ຮູບພາບໄດ້ນຳມາວາງສະແດງໃນງານວາງສະແດງ
(vovworld)- ສະເຫຼີມສະຫຼອງ ວັນສ້າງຕັ້ງຂະແໜງທ່ອງທ່ຽວຫວຽດນາມ ຄົບຮອບ 65 ປີ (9/7/1960-9/7/2016), ຕອນເຊົ້າວັນທີ 5/7, ຢູ່ຮ່າໂນ້ຍ, ໄດ້ດຳເນີນພິທີມອບລາງວັນ ການເສັງຮູບພາບສິລະປະ ການທ່ອງທ່ຽວທົ່ວປະເທດ ຄັ້ງທີ 7. ການເສັງ ດ້ວຍຫົວຂໍ້ “ຫວຽດນາມວັນນີ້” ແນໃສ່ກະກຽມເອກະສານ, ຮູບພາບເພື່ອສ້າງບັນດາສິ່ງພີມ ໂຄສະນາເຜີຍແຜ່ຮູບພາບ-ເຄື່ອງໝາຍການຄ້າ, ຜະລິດຕະພັນການທ່ອງທ່ຽວຫວຽດນາມຢູ່ບັນດາຕະຫຼາດຈຸດສຸມ, ພ້ອມທັງ ເຊີດຊູຮູບພາບປະເທດຫວຽດນາມທີ່ສວຍງາມ, ຊາວຫວຽດນາມ ສະໜິດສະໜົມ, ຮັກແພງແຂກຄົນ ແລະ ຮັກຫອມສັນຕິພາບ. ສະພາກວດກາໄດ້ມອບລາງວັນໃຫ້ 11 ພາບຖ່າຍ ໃນຈຳນວນ 5.00 ພາບຖ່າຍ ທີ່ສົ່ງເຂົ້າການເສັງ, ໃນນັ້ນມີ ລາງວັນທີ 1 ໜຶ່ງລາງວັນ; ລາງວັນທີ 2 ສອງລາງວັນ; ລາງວັນທີ 3 ສາມລາງວັນ. ທ່ານ ນາງ ຫງວຽນຈາງກິມເກືອງ, ໄດ້ມອບຫຼຽນຄຳ ສຳລັບພາບແຕ້ມ “ກັບຄືນສູ່ແຫຼ່ງກຳເນີດ”, ແລະຫວັງວ່າຜ່ານບັນດາພາບຖາມສິລະປະນີ້, ແຂກທ່ອງທ່ຽວໃນໂລກຈະມີຂໍ້ມູນເພີ່ມ ກ່ຽວກັບບັນດາມໍລະດົກວັດທະນະທຳໂລກ ຢູ່ຫວຽດນາມ, ດຶງດູດໃຫ້ເຂົ້າເຈົ້າມາຫວຽດນາມຫຼາຍຂື້ນ.
ໃນການປະຕິບັດງານ ທ້າຍເດືອນ 5 ຜ່ານມາ ຢູ່ ໝີເຊີນ, ຂ້າພະເຈົ້າຕື້ນຕັນໃຈທີ່ສຸດ ເຫັນກັບຕາຄະນະນັກທ່ອງທ່ຽວຕ່າງປະເທດຄະນະ 1 ໄດ້ຮັບຟັງພະນັກງານແນະນຳກ່ຽວກັບວັດທະນະທຳ ແລະ ສະຖາປັດຕະຍະກຳ ຈຳປາບູຮານ. ເມື່ອນຂ້າພະເຈົ້າ ຖ່າຍຮູບ ຂ້າພະເຈົ້າຮູ້ສຶກຕື້ນຕັນໃຈຫຼາຍ ເພາະສະຖາປັດຕະຍະກຳນີ້ ມີເອກະລັກສະເພາະທີ່ສຸດ, ມີພຽງແຕ່ຢູ່ຫວຽດນາມເທົ່ານັ້ນ. ບັນດາຊາວຕ່າງປະເທດຮູ້ສຶກແປກປະຫຼາດໃຈຕໍ່ຄວາມງາມຂອງສະຖາປັດຕະຍະກຳນີ້.