ນັກທ່ອງທ່ຽວສາກົນມາຢ້ຽມຢາມຫວຽດນາມ
ພາບປະກອບ:internet
|
(vovworld)- ພິທີມອບລາງວັນດຳເນີນໄປໃນຕອນຄຳ່ວັນທີ 4/12 ຢູ່ ຮ່າໂນ້ຍ. ຄະນະຈັດຕັ້ງໄດ້ມອບລາງວັນໃຫ້ແກ່ໂຮງແຮມຊັ້ນນຳຂອງຫວຽດນາມ 40 ແຫ່ງ, ບໍລິສັດທ່ອງທ່ຽວສາກົນ ແລະ ພາຍໃນປະເທດ 30 ແຫ່ງ. ນອກນັ້ນ, ຄະນະຈັດຕັ້ງກໍເຊີດຊູ 2 ບໍລິສັດການບິນທີ່ຂົນສົ່ງນັກທ່ອງທ່ຽວຫລາຍກວ່າໝູ່. ກ່າວຄຳເຫັນທີ່ພິທີເຊີດຊູ ແລະ ມອບລາງວັນທ່ອງທ່ຽວຫວຽດນາມ 2012, ທ່ານ ຫງວຽນຫຶວທໍ້, ປະທານສະຫະສະມາຄົມທ່ອງທ່ຽວຫວຽດນາມ ຢືນຢັນວ່າ:
“14 ປີຜ່ານມາ, ການເຊີດຊູ ແລະ ມອບລາງວັນໃຫ້ແກ່ບັນດາວິສາຫະກິດທ່ອງທ່ຽວຫວຽດນາມ ດີເດັ່ນ ໄດ້ປະກອບສ່ວນຊຸກຍູ້ຂະບວນການແຂ່ງຂັນ, ຍົກສູງຄຸນນະພາບບໍລິການ, ຫັນຜະລິດຕະພັນເປັນຫລາຍຮູບຫລາຍແບບ, ຍົກສູງລັກສະນະວິຊາສະເພາະຂອງບັນດາວິສາຫະກິດ, ປະກອບສ່ວນຍົກສູງປະສິດທິຜົນການໂຄສະນາ, ສ້າງເຄື່ອງໝາຍການຄ້າວິສາຫະກິດ ແລະ ຜະລິດຕະພັນບໍລິການ, ຜ່ານນັ້ນ ຍົກສູງປະສິດທິຜົນດຳເນີນທຸລະກິດ, ຍົກສູງກຳລັງຄວາມສາມາດແກ້ງແຍ້ງໃນການເຊື່ອມໂຍງເຂົ້າກັບສາກົນຢ່າງເລິກເຊິ່ງ ແລະ ກວ້າງຂວາງ.”