(vovworld) – ໂດຍນອນໃນໂຄງການຮ່ວມມືເສດຖະກິດລະຫວ່າງນະຄອນ ໂຮ່ຈີມິນ ແລະ ແຂວງ ຈຳປາສັກ, ຕອນບ່າຍວັນທີ 22/3, ຢູ່ນະຄອນ ໂຮ່ຈີມິນ, ກຸ່ມບໍລິສັດ ດາວເຮືອງ ຂອງລາວ ແລະ ບໍລິສັດຈຳໜ່າຍ Blue Star ຂອງ ຫວຽດນາມ ໄດ້ເຊັນຍຸດທະສາດລະຫວ່າງ 2 ວິສາຫະກິດ. ຕາມການເຊັນສັນຍາແລ້ວ, ບໍລິສັດຫຸ້ນສ່ວນຈຳໜ່າຍ Blue Star ຂອງຫວຽດນາມ ໄດ້ຮັບຜິດຊອບຈຳໜ່າຍເອກະສິດບັນດາຜະລິດຕະພັນຂອງ Dao Coffe ຂອງລາວ ຢູ່ ຫວຽດນາມ. ກຸ່ມບໍລິສັດ ດາວເຮືອງ ຈະສະໜອງຜະລິດຕະພັນເຄື່ອງໝາຍ Dao Coffe ຮັບປະກັນຄຸນນະພາບເພື່ອໃຫ້ Blue Star ຈຳໜ່າຍເຖິງບັນດາຕົວແທນຈຳໜ່າຍ ແລະ ຜູ້ອຸປະໂພກບໍລິໂພກ. ຜ່ານໂຄງການຮ່ວມມືນີ້, ກຸ່ມບໍລິສັດ ດາວເຮືອງ ໃຫ້ຄຳໝັ້ນສັນຍາຈະແມ່ນຫົວຕໍ່ໜູນຊ່ວຍ, ສ້າງເງື່ອນໄຂອຳນວຍຄວາມສະດວກທີ່ສຸດເພື່ອໃຫ້ບໍລິສັດຫຸ້ນສ່ວນ Blue Star ດຳເນີນທຸລະກິດ ແລະ ຈຳໜ່າຍຜະລິດຕະພັນ, ເຂົ້າໜົມ, ທັນຍາຫານຂອງຫວຽດນາມ ຢູ່ ລາວ.
ປະຈຸບັນ, ແຂວງ ຈຳປາສັກມີ 17 ປະເທດໃນໂລກມາລົງທຶນ, ໃນນັ້ນ ຫວຽດນາມ ແມ່ນປະເທດມີຈຳນວນເງິນລົງທຶນສູງສຸດ, ກວດ 42%. ສະເພາະນະຄອນ ໂຮ່ຈີມິນ, ມີ 9 ໂຄງການຂອງວິສາຫະກິດພວມລົງທຶນຢູ່ແຂວງນີ້.