ພິທີເຊັນຍັນຍາຮ່ວມມືລະຫວ່າງວິທະຍຸກະຈາຍສຽງ ຫວຽດນາມ ແລະ
ວິທະຍຸກະຈາຍສຽງແຫ່ງຊາດ ລາວ ໄລຍະ 2016 – 2018
(vovworld) - ຕອນບ່າຍວັນທີ 10/8, ຢູ່ນະຄອນຫລວງ ວຽງຈັນ ໄດ້ດຳເນີນພິທີເຊັນສັນຍາຮ່ວມມືລະຫວ່າງວິທະຍຸກະຈາຍສຽງ ຫວຽດນາມ ແລະ ວິທະຍຸກະຈາຍສຽງແຫ່ງຊາດ ລາວ ໄລຍະ 2016 – 2018. ຕາມສັນຍາໃໝ່ນີ້ 2 ຝ່າຍຈະເພີ່ມທະວີການອອກອາກາດບັນດາຂ່າວ, ບົດ ແລະ ບັນດາລາຍການກ່ຽວກັບບັນດາຜົນງານໃນຂົງເຂດຕ່າງໆຂອງແຕ່ລະປະເທດ. ວິທະຍຸກະຈາຍສຽງ ຫວຽດນາມ ພ້ອມແລ້ວໃຫ້ການຊ່ວຍເຫຼືອວິທະຍຸກະຈາຍສຽງແຫ່ງຊາດ ລາວ ໃນການກໍ່ສ້າງນັກຂ່າວ, ບັນນາທິການ ແລະ ພະນັກງານເຕັກນິກໃນແຕລະປີ. ທ່ານອຳນວຍການໃຫຍ່ວິທະຍຸກະຈາຍສຽງ ຫວຽດນາມ ຫງວຽນດັງຕ໋ຽນ ຢືນຢັນວ່າ:
“ ຂ້າພະເຈົ້າຊົມເຊີຍເລື່ອງ 2 ວິທະຍຸໄດ້ເຊັນສັນຍາຮ່ວມມືໃນໄລຍະໃໝ່, ຜ່ານນັ້ນ ກໍເປັນກອບກົດໝາຍຊ່ວຍສາຍພົວພັນຮ່ວມມືກ້າວເຂົ້າສູ່ລວງເລິດ ແລະ ມີປະສິດທິຜົນ. ຂະພະເຈົ້າເຊື່ອໝັ້ນວ່າ: ເຫດການນີ້ຈະໄຂໄລຍະພັດທະນາໃໝ່ປະກອບສ່ວນຢ່າງແທດຈິງເຂົ້າໃນພະລິກິດປ່ຽນໃໝ່ຢູ່ແຕ່ລະປະເທດ ແນະນຳການພົວພັນແບບພິເສດລະຫວ່າງ ຫວຽດນາມ - ລາວ ຂຶ້ນສູ່ລະດັບສູງໃໝ່”.