(vovworld) – ວັນທີ 3/4, ຢູ່ຮ່າໂນ້ຍ, ກະຊວງຊັບພະຍາກອນ ແລະ ສິ່ງແວດລ້ອມຫວຽດນາມ ແລະ ກອງທຶນ Hanns – Seidel (HSF - ເຢຍລະມັນ) ໄດ້ເຊັນຂໍ້ຕົກລົງຮ່ວມມືກ່ຽວກັບການເຕີບໂຕຂຽວ ແລະ ນຳໃຊ້ຊັບພະຍາກອນສິ່ງແວດລ້ອມໄລຍະແບບຍືນຍົງ 2014 – 2016.
ທີ່ພິທີລົງນາມ, ທ່ານຮອງລັດຖະມົນຕີກະຊວງຊັບພະຍາກອນ, ສິ່ງແວດລ້ອມ ເຈີ່ນຮົ່ງຮ່າ ຊີ້ແຈ້ງວ່າ: ສິ່ງແວດລ້ອມແມ່ນການທ້າທາຍໃຫຍ່ຂອງຫວຽດນາມ ໃນວິວັດທະນາການພັດທະນາແບບຍືນຍົງ. ສິ່ງແວດລ້ອມຢູ່ ຫວຽດນາມ ພວມປະເຊີນໜ້າກັບສະພາບມົນລະພິດແຫຼ່ງນ້ຳ, ດິນ, ອາກາດ. ໃນຂະນະນັ້ນ, ວຽກງານວາງແຜນ, ກຳຈັດສິ່ງເສດເຫຼືອຢູ່ບັນດາທ້ອງຖີ່ນ, ເຕັກໂນໂລຢີຍັງອ້ອນດ້ອຍຢູ່. ອັດຕາປ່າ, ລະບົບຊີວະນາໆພັນ, ສັດສາວາສິ່ງ ພວມຫລຸດລົງຢ່າງໄວວາ. ສະພາບຕົວຈິງນີ້ຮຽກຮ້ອງໃຫ້ມີການເຂົ້າຮ່ວມຂອງທົ່ວສັງຄົມ ແລະ ຕ້ອງການໄດ້ຮັບການໜູນຊ່ວຍຈາກບັນດາອົງການທັງພາຍໃນ ແລະ ຕ່າງປະເທດ. ທ່ານຮອງລັດຖະມົນຕີ ກໍ່ສະເໜີໃຫ້ມີການຮ່ວມມືຂອງກອງທຶນ Hanns – Seidel, ໂດຍອີງໃສ່ພື້ນຖານຕ່າງຝ່າຍຕ່າງມີຜົນປະໂຫຍດ, ໜູນຊ່ວຍ ຫວຽດນາມ ໃນວິວັດທະນາການຫັນປ່ຽນຮູບແບບເສດຖະກິດ, ຈາກພື້ນຖານເສດຖະກິດທີ່ອີງໃສ່ການຂຸດຄົ້ນຊັບພະຍາກອນ ຫັນເປັນພື້ນຖານເສດຖະກິດຂຽວ, ຮັບປະກັນການພັດທະນາແບບຍືນຍົງ.