ເຊື້ອໄວຣັດກາຍພັນ Delta ເຮັດໃຫ້ຜູ້ຕິດເຊື້ອມີຄວາມສ່ຽງເກີດອາການເຈັບໜັກຂຶ້ນທົບ 2 ເທົ່າເມື່ອທຽບໃສ່ ເຊື້ອໄວຣັດກາຍພັນ Alpha
(VOVWORLD) -ເຊື້ອໄວຣັດກາຍພັນ Delta ມີຄວາມສາມາດຕິດເຊື້ອສູງ ແລະ ພວມກາຍເປັນເຊື້ອໄວຣັດກາຍພັນ ແຜ່ລະບາດຕົ້ນຕໍ່ໃນທົ່ວໂລກ, ອາດຈະເຮັດໃຫ້ຜູ້ຕິດເຊື້ອມີຄວາມສ່ຽງຕ້ອງເຂົ້າໂຮງໝໍຂຶ້ນທົບ 2 ເທົ່າເມື່ອທຽບໃສ່ເຊື້ອໄວຣັດກາຍພັນ Alpha
 ພາບປະກອບ: TTXVN |
ນີ້ແມ່ນໝາກຜົນຂອງການຄົ້ນຄ້ວາ ທີ່ໄດ້ປະກາດໃນວາລະສານ The Lancet ໃນວັນທີ 28 ສິງຫາ. ບັນດານັກວິທະຍາສາດ ໄດ້ປະຕິບັດການຄົ້ນຄ້ວາ ສຳລັບຜູ້ຕິດເຊື້ອໂຄວິດ - 19 ກ່ວາ 43.338 ຄົນ ຢູ່ເຂດ England (ປະເທດ ອັງກິດ) ໃນລະຫວ່າງວັນທີ 29 ມີນາ ຫາ ວັນທີ 23 ພຶດສະພາ, ໃນນັ້ມມີພຽງແຕ່ 1,8% ຜູ້ຕິດເຊື້ອໄດ້ສັກວັກຊິນກັນໂຄວິດ - 19 ແມ່ນ 2 ເຂັມ, ສ່ວນຍັງເຫຼືອປະມານ ¾ ຈຳນວນຜູ້ຕິດເຊື້ອຍັງບໍ່ທັນໄດ້ຮັບການສັກວັກຊິນ ແລະ 24% ຈຳນວນຜູ້ຕິດເຊື້ອໄດ້ຮັບການສັກວັກຊິນ 1 ເຂັມ. ສິ່ງນີ້ສະແດງໃຫ້ເຫັນວ່າ ເຊື້ອໄວຣັດກາຍພັນ Delta ເຮັດໃຫ້ພະຍາດໜັກກ່ວາ.