ການສອນໃຫ້ເດັກຖືກພະຍາດ autism |
(vovworl)- ເນື່ອງໃນໂອກາດວັນໂລກຮັບຮູ້ພະຍາດ autism (2/4), ຕອນເຊົ້າວັນທີ 2/4, ຢູ່ຫໍວັດທະນະທຳເດັກຮ່າໂນ້ຍ, ໄດ້ຈັດວັນບຸນ “ ອ້ອມແຂນແຫ່ງຄວາມຮັກແພງ ” ຄັ້ງທີ 3. ວັນບຸນມີການເຂົ້າຮ່ວມຂອງເດັກນັບຮ້ອຍຄົນຖືກພະຍາດ autism ທີ່ມາຈາກໂຮງຮຽນ 21 ແຫ່ງ ໃນບໍລິເວນແຂວງ ແລະ ນະຄອນຕ່າງໆຂອງຫວຽດນາມ.
ກ່ອນໜ້ານັ້ນ ຄືວັນທີ 1 ເມສາ, ຢູ່ຮ່າໂນ້ຍ ໄດ້ດຳເນີນກອງປະຊຸມສຳມະນາ “ພະຍາດ autism - ບັນຫາ, ຄວາມຮຽກຮ້ອງຕ້ອງການ ແລະ ມາດຕະການແກ້ໄຂ”. ທ່ານນາງ ດັ້ງຮີ່ງມາຍ, ປະທານສະຫະສະມາຄົມຄົນພິການຫວຽດນາມ ໃຫ້ຮູ້ວ່າ :
“ ບັນຫາທຳອິດທີ່ພວກຂ້າພະເຈົ້າສະເໜີ ຕໍ່ກະຊວງແຮງງານ, ນັ້ນແມ່ນນຳຄົນພິການທີ່ຖືກພະຍາດ autism ນີ້ເຂົ້າໃນກົດໝາຍ. ເພາະໃນກົດໝາຍຈຶ່ງຈະມີລາຍລະອຽດ. ໃນກົດໝາຍກໍມີອັນທີ່ແຕກຕ່າງ, ດັ່ງນັ້ນຈຸດທີ່ແຕກຕ່າງນັ້ນ ເຮົາສາມາດເພີ່ມເຕີມເດັກຖືກພະຍາດ autism ເຂົ້າໃນກຸ່ມເດັກພິການ ເພື່ອໃຫ້ພວກນ້ອງໄດ້ຮັບຜົນປະໂຫຍດຈາກການບໍລິການການແພດ, ການສ້າງວຽກເຮັດງານທຳ”