ເດັດດ່ຽວຕໍ່ສູ້ປົກປັກຮັກສາອະທິປະໄຕທະເລ, ໝູ່ເກາະທີ່ສັກກະລະບຸຊາຂອງປະເທດຊາດ
(ພາບປະກອບ)
(vovworld) – ວັນທີ 16/07, ພາຍໃຕ້ການເປັນປະທານຂອງທ່ານນາຍົກລັດຖະມົນຕີ ຫງວຽນເຕີນຢຸງ, ລັດຖະບານໄດ້ຈັດກອງປະຊຸມຫົວເລື່ອງສະເພາະກ່ຽວກັບວຽກງານສ້າງກົດໝາຍ. ເປີດຊາກກອງປະຊຸມ, ການນຳກະຊວງປ້ອງກັນປະເທດ, ກະຊວງຕຳຫຼວດ ແລະ ກະຊວງການຕ່າງປະເທດ ໄດ້ລາຍງານອັບເດັດສະພາບການທີ່ກ່ຽວຂ້ອງເຖິງເລື່ອງຈີນ ຕັ້ງຮ້ານເຈາະນ້ຳມັນຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ, ລ່ວງລ້ຳອະທິປະໄຕ ແລະ ອຳນາດສານຂອງຫວຽດນາມ , ລະເມີດກົດໝາຍສາກົນຢ່າງຮ້າຍແຮງ, ພິເສດແມ່ນສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982; ຖະແຫຼການກ່ຽວກັບການປະພຶດຂອງຝ່າຍຕ່າງໆຢູ່ທະເລຕາເວັນອອກ (DOC); ຂໍ້ຕົກລົງຂັ້ນສູງລະຫວ່າງການນຳ 2 ປະເທດ, ການນາບຂູ່ເຖິງສັນຕິພາບ, ສະຖຽນລະພາບ, ຄວາມສະຫງົບປອດໄພ, ສິດເສລີໃນການເດີນທະເລ, ການບິນໃນພາກພື້ນ. ທ່ານນາຍົກລັດຖະມົນຕີ ຫງວຽນເຕີນຢຸງ ຢືນຢັນວ່າ ຍາມໃດຫວຽດນາມ ກໍ່ເດັດດຽວຕໍ່ສູ້ປົກປັກຮັກສາອະທິປະໄຕທີ່ສັກກະລະບຸຊາຂອງປະເທດຊາດ ດ້ວຍກຳລັງແຮງສັງລວມ ແລະ ບັນດາມາດຕະການທີ່ເໝາະສົມກັບກົດໝາຍສາກົນ; ຮຽກຮ້ອງຈີນ ບໍ່ມີການກະທຳຕັ້ງຮ້ານເຈາະນ້ຳມັນຢ່າງຜິດກົດໝາຍ ກໍ່ຄືບັນດາການກະທຳລະເມີດອະທິປະໄຕ, ອຳນາດອະທິປະໄຕ, ອຳນາດສານໃນເຂດທະເລຂອງຫວຽດນາມ ອີກ. ຍາມໃດຫວຽດນາມ ກໍ່ຖືການພົວພັນມິດຕະພາບ ແລະ ການຮ່ວມມືອັນດີງາມກັບຈີນເປັນສຳຄັນ ບົນພື້ນຖານສະເໝີພາບ, ເຄົາລົບເຊິ່ງກັນ ແລະ ກັນ, ຕ່າງຝ່າຍຕ່າງມີຜົນປະໂຫຍດ ແລະ ພ້ອມກັນພັດທະນາ. ບົນຈິດໃຈນັ້ນ, ຫວຽດນາມ ພ້ອມແລ້ວທີ່ຈະພ້ອມກັບຈີນ ແລະ ບັນດາຝ່າຍທີ່ກ່ຽວຂ້ອງເຈລະຈາໂດຍສັນຕິ, ແກ້ໄຂຄວາມເຄັ່ງຕຶງບົນທະເລຕາເວັນອອກ ຕາມກົດໝາຍສາກົນ.
ທ່ານນາຍົກລັດຖະມົນຕີ ຫງວຽນເຕີນຢຸງ ເນັ້ນໜັກວ່າ ການປົກປັກຮັກສາອະທິປະໄຕແມ່ນໜ້າທີ່ສັກກະລະບຸຊາ ຮຽກຮ້ອງໃຫ້ຫວຽດນາມ ຕ້ອງປະຕິບັດເປັນປະຈຳ, ຕໍ່ເນື່ອງເປັນເຈົ້າການ ແລະ ເດັດດຽວຕໍ່ສູ້ກັບທຸກໆການກະທຳລ່ວງລ້ຳ. ພ້ອມທັງສາມັກຄີກັນເປັນຈິດໜຶ່ງໃຈດຽວ, ສູ້ຊົນປະຕິບັດໜ້າທີ່ພັດທະນາເສດຖະກິດສັງຄົມ ແລະ ເພີ່ມທະວີກຳລັງພາຍໃນທຸກດ້ານຂອງປະເທດຊາດຢ່າງມີໄຊ.
ກ່ຽວຂ້ອງເຖິງເລື່ອງຈີນ ຖອນຮ້ານເຈາະນ້ຳມັນໄຮຢາງ 981, ວັນທີ 16/07/2014, ໂຄສົກກະຊວງການຕ່າງປະເທດຫວຽດນາມ ເລຫາຍບິງ ຊີ້ແຈ້ງວ່າ “ຫວຽດນາມ ໄດ້ຕໍ່ສູ້ປົກປັກຮັກສາອະທິປະໄຕ, ອຳນາດອະທິປະໄຕດ້ວຍບັນດາມາດຕະການສັນຕິວິທີ. ອີກເທື່ອໜຶ່ງ, ຫວຽດນາມ ຮຽກຮ້ອງຈີນ ບໍ່ນຳຮ້ານເຈາະນ້ຳມັນໄຮຢາງ 981 ກັບຄືນ ຫຼື ນຳບໍ່ວ່າຮ້ານເຈາະນ້ຳມັນໃດໆເຂົ້າເຄື່ອນໄຫວຢູ່ແປງນ້ຳມັນອ້າຍແກັດເລກ 143 ຂອງຫວຽດນາມ ຫຼື ບໍ່ວ່າເຂດໃດທີ່ຂຶ້ນກັບເຂດທະເລຂອງຫວຽດນາມ ເຊິ່ງໄດ້ຮັບການກຳນົດໃນສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982, ເຄົາລົບອະທິປະໄຕ ແລະ ອຳນາດສານຂອງຫວຽດນາມ ສຳລັບເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ. ຫວຽດນາມ ເດັດດ່ຽວປົກປັກຮັກສາອະທິປະໄຕ, ອຳນາດອະທິປະໄຕຖືກຕາມກົດໝາຍສາກົນ”.