ພາບຖ່າຍຈາກດາວທຽມ ຮາກຖານນິວເຄຼຍ Yongbyon (ພາບ: TTXVN)

ຕາມບົດລາຍງານປະຈຳປີຂອງອົງການພະລັງງານປະລະມານູສາກົນ (IAEA), ເບິ່ງຄືວ່າ ສປປ.ເກົາຫຼີ ໄດ້ໃຫ້ເຄື່ອນໄຫວເຕົານິວເຄຼຍ ທີ່ໄດ້ຮັບຖືວ່າເຄີຍຜະລິດທາດ plutoni ລະດັບອາວຸດນິວເຄຼຍ ຄືນໃໝ່. ນັບແຕ່ປີ 2009, ອົງການ IAEA ບໍ່ໄດ້ສຳຜັດກັບ ສປປ.ເກົາຫຼີ ແລະ ສ່ວນຫຼາຍແມ່ນຕິດຕາມການເຄື່ອນໄຫວນິວເຄຼຍ ຂອງ ສປປ.ເກົາຫຼີ ແບບທາງໄກ, ສ່ວນໃຫຍ່ແມ່ນຜ່ານພາບຖ່າຍດາວທຽມ. ບົດລາຍງານຂອງອົງການ IAEA ໃຫ້ຮູ້ວ່າ ນັບແຕ່ເດືອນ ກໍລະກົດ 2021 ມາຮອດປັດຈຸບັນ ມີຫຼາຍສັນຍານເໝາະສົມທີ່ສະແດງໃຫ້ເຫັນວ່າ ເຕົານິວເຄຼຍ ໄດ້ເລີ່ມເຄື່ອນໄຫວ, ເປັນຕົ້ນແມ່ນການປ່ອຍນ້ຳທຳຄວາມເຢັນ.