ພາບປະກອບ:vov
|
(vovworld)-ບັນດາທ້ອງຖິ່ນໃນທົ່ວປະເທດພວມຜັນຂະຫຍາຍການເຄື່ອນໄຫວຫລາຍຢ່າງຫນູນຊ່ວຍຜູ້ທຸກຍາກ, ຜູ້ປະສົບກັບຄວາມຫຍຸ້ງຍາກລ້ວນແຕ່ໄດ້ຮັບບຸນເຕັດຢ່າງອົບອຸ່ນ. ແຂວງ ລາຍເຈົາ ໄດ້ມອບຂອງຂວັນບຸນເຕັດເກືອບ 35.000 ພູດ ລວມມູນຄ່າເກືອບ 14,5 ຕື້ດົ່ງ ໃຫ້ແກ່ຄອບຄົວຜູ້ມີຄຸນງາມຄວາມດີ, ຄອບຄົວທຸກຍາກ, ເປົ້າໝາຍອຸປະກະລະສັງຄົມ, ເດັກນ້ອຍ, ນັກຮຽນທຸກຍາກ. ທ່ານນາງ ຫລໍ່ທິເຟື້ອງ, ຮອງຫົວຫນ້າພະແນກແຮງງານ, ທະຫານເສຍອົງຄະ ແລະ ສັງຄົມ ແຂວງ ລາຍເຈົາໃຫ້ຮູ້ວ່າ:
“ຍາມໃດແຂວງ ລາຍເຈົາ ກໍເອົາໃຈໃສ່ເຖິງຊີວິດການເປັນຢູ່ຂອງປະຊາຊົນ, ພິເສດ ບັນດາຄອບຄົວທຸກຍາກ, ເປົ້າໝາຍນະໂຍບາຍໃນໂອກາດບຸນເຕັດ. ໄລ່ມາຮອດຈຸດເວລານີ້, ຂອງຂວັນທັງໝົດລ້ວນແຕ່ໄດ້ສົ່ງເຖິງຄອບຄົວໃນເປົ້າໝາຍນະໂຍບາຍ, ຄອບຄົວທຸກຍາກ ແລະ ຜູ້ປະສົບກັບຄວາມຫຍຸ້ງຍາກ ເພື່ອໃຫ້ເຂົາເຈົ້າໄດ້ຕ້ອນຮັບບຸນເຕັດຢ່າງອົບອຸ່ນກວ່າ.”
ນະຄອນ ດາຫນັງ ມອບຂອງຂວັນ 3.000 ພູດ ແລະ ເຂົ້າສານ 200 ໂຕ່ນ ໃຫ້ແກ່ຄອບຄົວໃນເປົ້າໝາຍນະໂຍບາຍ, ຄອບຄົວທຸກຍາກ ແລະ ບັນດາພະນັກງານ, ນັກຮົບຢູ່ບໍລິເວນນະຄອນ.
ສ່ວນຢູ່ ນະຄອນ ໂຮ່ຈິມີນ, ຕອນເຊົ້າວັນທີ 13/2, ທາງນະຄອນໄດ້ຈັດຕັ້ງ ລົດໂອໂຕ 26 ຄັນເພື່ອ ສົ່ງກຳມະກອນກັບຄືນບ້ານເພື່ອຕ້ອນຮັບປີໃຫມ່ ໂດຍບໍ່ເສຍຄ່າ.