(vovworld) - ວັນທີ 01/12, ກ່າວຄຳເຫັນທີ່ພິທີສະເຫຼີມສະຫຼອງ 10 ປີແຫ່ງວັນສ້າງຕັ້ງ ແລະ ຕ້ອນຮັບຫຼຽນໄຊແຮງງານຊັ້ນ 2 ຂອງສະມາຄົມຊ່ວຍເຫຼືອຄົນເຈັບທີ່ທຸກຍາກ, ຄົນພິການ ແລະ ເດັກກຳພ້າແຂວງ ເບັ໋ນແຈ, ທ່ານນາງຮອງປະທານສະພາແຫ່ງຊາດຫວຽດນາມ ຫງວຽນທິກິມເງິນ ໄດ້ຍ້ອງຍໍຊົມເຊີຍຄະນະການນຳສະມາຄົມ, ບັນດາສາຂາສະມາຄົມໄດ້ເຮັດວຽກຢ່າງສຸດຈິດສຸດໃຈເພື່ອຄົນທຸກຍາກ, ປະກອບສ່ວນພໍສົມຄວນເຂົ້າໃນການປະຕິບັດນະໂຍບາຍຮັບປະກັນຊີວິດສັງຄົມຂອງແຂວງ. ທ່ານນາງຮອງປະທານສະພາແຫ່ງຊາດ ຫງວຽນທິກິມເງິນ ເນັ້ນໜັກວ່າ ໃນ 10 ປີແຫ່ງການເຄື່ອນໄຫວ, ສະມາຄົມຊ່ວຍເຫຼືອຄົນເຈັບທີ່ທຸກຍາກ, ຄົນພິການ ແລະ ເດັກກຳພ້າແຂວງ ເບັ໋ນແຈ ໄດ້ມານະພະຍາຍາມຢ່າງບໍ່ຢຸດຢັ້ງເພື່ອເປັນຂົວເຊື່ອມຕໍ່ການເບິ່ງແຍງດູແລໃຫ້ຄົນເຈັບທີ່ທຸກຍາກ, ຄົນພິການ ແລະ ເດັກກຳພ້າ, ປະກອບສ່ວນເຂົ້າໃນບັນດາໂຄງການຮັບປະກັນຊີວິດສັງຄົມຂອງແຂວງໜຶ່ງທີ່ຍັງປະສົບກັບຄວາມຫຍຸ້ງຍາກຫຼາຍຢ່າງ.