(vovworld) - ທີ່ການຕ້ອນຮັບທ່ານ Vitaly Busko, ປະທານກຳມາທິການການຕ່າງປະເທດ ສະພາຕຳ່ ເບລາຣຸດ, ປະທານກຸ່ມສະມາຊິກສະພາແຫ່ງຊາດມິດຕະພາບ ເບລາຣຸດ - ຫວຽດນາມ, ເປັນຫົວໜ້າຄະນະມາຢ້ຽມຢາມ ແລະ ເຮັດວຽກຢູ່ ຫວຽດນາມ, ທ່ານຮອງປະທານສະພາແຫ່ງຊາດ ຫວຽດນາມ ຮີ່ງງອກເຊີນ, ຢັ້ງຢືນວ່າ ຫວຽດນາມ ຍາມໃດກໍ່ຖືເປັນສຳຄັນການພົວພັນມິດຕະພາບທີ່ເປັນມູນເຊື້ອ, ການຮ່ວມມືຫຼາຍດ້ານກັບ ເບລາຣຸດ. ທ່ານຮອງປະທານສະພາແຫ່ງຊາດ ຮີ່ງງອກເຊີນ ສະເໜີໃຫ້ 2 ຝ່າຍແລກປ່ຽນຄະນະຜູ້ແທນຂັ້ນສູງເປັນປະຈຳ, ເອົາໃຈໃສ່ໃນການຮ່ວມມືລະຫວ່າງບັນດາກຳມາທິການສະເພາະກິດ... ທ່ານ Vitaly Busko ຢືນຢັນວ່າ: ເບລາຣຸດ ຍາມໃດກໍ່ເອົາໃຈໃສ່ເຖິງການພົວພັນຮ່ວມມືກັບ ຫວຽດນາມ ແລະ ຫວັງວ່າໃນໄລຍະຈະມາເຖິງ, 2 ຝ່າຍສືບຕໍ່ຊຸກຍູ້ການພົວພັນຮ່ວມມືລະຫວ່າງບັນດາກຳມາທິການສະເພາະກິດ, ພົວພັນແລກປ່ຽນ, ແບ່ງປັນລະຫວ່າງບັນດາກຸ່ມ ສສຊ ມິດຕະພາບປະກອບສ່ວນເພີ່ມທະວີການພົວພັນມິດຕະພາບລະຫວ່າງ 2 ປະເທດ ເບລາຣຸດ - ຫວຽດນາມ.
ສະແດງຄວາມເອົາໃຈໃສ່ກ່ຽວກັບສະພາບການຢູ່ທະເລຕາເວັນອອກ, ທ່ານ Vitaly Busko ເນັ້ນໜັກວ່າ: ເບລາຣຸດ ຍາມໃດກໍ່ສະໜັບສະໜູນທັດສະນະຂອງ ຫວຽດນາມ ໃນການແກ້ໄຂຄວາມເຄັ່ງຕຶງຢູ່ທະເລຕາເວັນອອກ ດ້ວຍມາດຕະການສັນຕິພາບ, ບົນພື້ນຖານກົດໝາຍສາກົນ.