ເປີດກວ້າງຄວາມສາມາດບົ່ມຊ້ອນ ແລະ ກາລະໂອກາດຍູ້ແຮງການທູດດ້ານເສດຖະກິດລະຫວ່າງ ຫວຽດນາມ ແລະ ແຂວງ KwaZulu-Natal (ອາຟຼິກກາໃຕ້)
(VOVWORLD) -ຄະນະໄດ້ມີການເຮັດວຽກກັບອົງການສົ່ງເສີມການຄ້າ ແລະ ການລົງທຶນແຂວງ (TIKZN),ຄະນະບໍລິຫານງານທ່າກຳປັ່ນສົ່ງອອກຖ່ານ Richards Bay ແລະ ກຸ່ມບໍລິສັດຂົນສົ່ງທາງລົດໄຟ Transnet.
 ທ່ານຮ່ວາງວັນເລິຍ ເອກອັກຄະລັດຖະທູດ ຫວຽດນາມ ປະຈຳ ອາຟຼິກກາໃຕ້ ເຮັດວຽກກັບອົງການອົງການສົ່ງເສີມການຄ້າ ແລະ ການລົງທຶນແຂວງ KwaZulu-Natal (ພາບ: TTXVN) |
ໃນລະຫວ່າງວັນທີ 16 ຫາ ວັນທີ 20 ມີນາ, ທ່ານຮ່ວາງວັນເລິຍ ເອກອັກຄະລັດຖະທູດ ຫວຽດນາມ ປະຈຳ ອາຟຼິກກາໃຕ້ ໄດ້ນຳໜ້າຄະນະປະຕິບັດງານຂອງສະຖານທູດ ໄປຢ້ຽມຢາມ ແລະ ເຮັດວຽກຢູ່ແຂວງ KwaZulu-Natal, ອາຟຼິກກາໃຕ້. ນະທີ່ນີ້, ຄະນະໄດ້ມີການເຮັດວຽກກັບອົງການສົ່ງເສີມການຄ້າ ແລະ ການລົງທຶນແຂວງ (TIKZN),ຄະນະບໍລິຫານງານທ່າກຳປັ່ນສົ່ງອອກຖ່ານ Richards Bay ແລະ ກຸ່ມບໍລິສັດຂົນສົ່ງທາງລົດໄຟ Transnet.
ທີ່ການເຮັດວຽກກັບທ່ານ Neville Matjie, ຜູ້ອຳນວຍການຝ່າຍບໍລິຫານອົງການສົ່ງເສີມການຄ້າ ແລະ ການລົງທຶນແຂວງ, ທ່ານເອກອັກຄະລັດຖະທູດ ຮ່ວາງວັນເລິຍ ໃຫ້ຮູ້ວ່າ: ສະຖານທູດ ຈະຕັ້ງໜ້າໜູນຊ່ວຍ ແລະ ຮ່ວມມືກັບອາຟຼິກກາໃຕ້ ໃນການແລກປ່ຽນ, ເຊື່ອມຕໍ່ລະຫວ່າງອຳນາດການປົກຄອງທຸກຂັ້ນ, ລັດຖະບານ, ທ້ອງຖິ່ນ ແລະ ວິສາຫະກິດສອງຝ່າຍເພື່ອເປີດກາລະໂອກາດຮ່ວມມືໃໝ່. ຜູ້ຕາງໜ້າແຂວງ KwaZulu-Natal ກໍ່ສະແດງຄວາມສົນໃຈ ແລະ ປາດຖະໜາຢາກຮ່ຳຮຽນເອົາບົດຮຽນປະສົບການຂອງ ຫວຽດນາມ ໃນບາງຂະແໜງ, ຂົງເຂດຄື: ການທ່ອງທ່ຽວ, ຕ່ຳແຜ່ນຕັດຫຍິບ, ພະລັງງານຜະລິດຄືນໃໝ່. ທາງແຂວງ KwaZulu-Natal ກໍ່ຮຽກຮ້ອງໃຫ້ ຫວຽດນາມ ມາລົງທຶນຢູ່ແຂວງ ໃນຂົງເຂດໄຟຟ້າແຮງລົງ, ໄຟຟ້າແສງຕາເວັນ.