ກອງປະຊຸມຢູ່ລາວ
|
(vovworld)- ຕອນເຊົ້າ ວັນທີ 16/11, ຢູ່ນະຄອນຫຼວງວຽງຈັນຂອງລາວ ໄດ້ດຳເນີນພິທີເປີດກອງປະຊຸມລັດຖະມົນຕີກະຊວງປ້ອງກັນປະເທດ ບັນດາປະເທດ ສະມາຄົມປະຊາຊາດອາຊີຕາເວັນອອກສ່ຽງໃຕ້ (ອາຊຽນ) ດວ້ຍຫົວຂໍ້ “ຊຸກຍູ້ການຮ່ວມມືດ້ານປ້ອງກັນປະເທດ, ເພື່ອຄວາມຂະຫຍັນຂັນເຄື່ອນຂອງອາຊຽນ”. ເຂົ້າຮ່ວມກອງປະຊຸມມີລັດຖະມົນຕີ ແລະ ຜູ້ຕາງໜ້າລັດຖະມົນຕີປ້ອງກັນປະເທດ ມາຈາກ 10 ປະເທດອາຊຽນ ແລະ ຜູ້ຕາງໜ້າຄະນະເລຂາອາຊຽນ. ຄະນະຜູ້ແທນຫວຽດນາມ ໂດຍ ທ່ານ ພົນເອກ ໂງຊວນລິກ, ກຳມະການກົມການເມືອງ, ລັດຖະມົນຕີກະຊວງປ້ອງກັນປະເທດ ເປັນຫົວໜ້າຄະນະ ເຂົ້າຮ່ວມກອງປະຊຸມ. ກ່າວຄວາມເຫັນທີ່ພິທີເປີດ, ທ່ານ ພົນໂທ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດລາວ ໃຫ້ຮູ້ວ່າ: ໃນບັນດາຊຸມປີຜ່ານມາ, ການຮ່ວມມື ໃນຂອບເຂດກອງປະຊຸມ ລັດຖະມົນຕີກະຊວງປ້ອງກັນປະເທດ ອາຊຽນ (ADMM) ສືບຕໍ່ບັນລຸໄດ້ຄວາມກ້າວໜ້າຫຼາຍຢ່າງ, ດ້ວຍການສ້າງຕັ້ງບັນດາກົນໄກຮ່ວມມືໃໝ່ ແລະ ບັນດາການເຄື່ອນໄຫວທີ່ກ່ຽວຂ້ອງອື່ນໆ. ນີ້ແມ່ນບັນດາພະຍານຫຼັກຖານໃຫ້ຄຳໝັ້ນສັນຍາ ຂອງບັນດາປະເທດ ໃນການເພີ່ມທະວີຄວາມໝັ້ນຄົງ, ຄວາມສາມັກຄີ, ຄວາມສະຫງົບປອດໄພ, ແນໃສ່ສ້ຽງອາຊຽນການເປັນພາກພື້ນສັນຕິພາບ, ສະຖຽນລະພາບ ແລະ ພັດທະນາຕາມວິໄສທັດອາຊຽນ 2025.