(VOVWORLD) - ວັນທີ 29 ພະຈິກ, ຢູ່ຮ່າໂນ້ຍ, ໃນຂອບເຂດວັນຄວາມປອດໄພຖະແຫຼງຂ່າວຫວຽດນາມ, ກະຊວງຖະແຫຼງຂ່າວ ແລະ ສື່ສານຫວຽດນາມ ໄດ້ຈັດພິທີ ເປີດສະຫຼອງລະບົບແບງປັນ ແລະ ຕິດຕາມກວດກາຂໍ້ມູນຂ່າວສານຮັບໃຊ້ລັດຖະບານເອເລກໂຕນິກ.
ທ່ານຮອງນາຍົກລັດຖະມົນຕີ ຫວູ້ດຶກດາມ, ລັດຖະມົນຕີ ກະຊວງຖະແຫຼງຂ່າວ ແລະ ສື່ສານ ຫງວຽນແມັ້ງຮຸ່ງ ໄດ້ກົດປຸ່ມເປີດການນຳໃຊ້ລະບົບ.
ລະບົບດັ່ງກ່າວໂດຍກຸມບໍລິສັດໂທລະຄົມມະນາຄົມກອງທັບ Vietel, ກຸ່ມບໍລິສັດໄປສະນີໂທລະຄົມມະນາຄົມຫວຽດນາມ VNPT, ກຸ່ມບໍລິສັດ FPT…ສົມທົບກັນສ້າງຂຶ້ນ ຈະຊ່ວຍຕິດຕາມກວດກາ, ໄຈ້ແຍກ, ແບ່ງປັນຂໍ້ມູນຂ່າວສານ, ຍົກອອກຄຳກ່າວເຕືອນລ່ວງໜ້າໃຫ້ບັນດາກະຊວງ, ຂະແໜງການ, ທ້ອງຖິ່ນ ເພື່ອຮັບປະກັນຄວາມປອດໄພ, ຄວາມໝັ້ນຄົງໃນເຄືອຄ່າຍອິນເຕີແນັດ ໃຫ້ແກ່ລັດຖະບານເອເລກໂຕນິກ.
ໃນໄລຍະທົດລອງໃນເບື້ອງຕົ້ນ, ລະບົບດັ່ງກ່າວໄດ້ຜັນຂະຫຍາຍສະໜອງການເຊື່ອມຕໍ່ແບ່ງປັນຂໍ້ມູນຂ່າວສານ, ຂໍ້ມູນຕົວເລກໃຫ້ແກ່ບັນດາກະຊວງ, ຂະແໜງການ ແລະ ທັງໝົດ 63 ແຂວງ, ນະຄອນຂຶ້ນກັບສູນກາງ.