ເປີດຕົວ App ທຳອິດທີ່ສະໜອງຂໍ້ມູນ ແລະ ການບໍລິການດູແລສຸຂະພາບໃຫ້ແກ່ຜູ້ອາຍຸສູງ
(VOVWORLD) - ແອັບ S – Health ໄດ້ຮັບການອອກແບບຢ່າງໃກ້ຊິດກັບຜູ້ນຳໃຊ້ ເພື່ອຊອກຫາຂໍ້ມູນກ່ຽວກັບສຸຂະພາບເວົ້າລວມ ແລະ ພິເສດແມ່ນບັນດາການບໍລິການດູແລສຸຂະພາບໃຫ້ແກ່ຄົນທີ່ມີອາຍຸສູງເວົ້າສະເພາະ.
 ການຖະແຫຼງຂ່າວເປີດຕົວແອັບ S – Health ຢ່າງເປັນທາງການ ຖືກຈັດຂຶ້ນແບບທາງໄກ (ພາບ: VOV2) |
ຕອນບ່າຍວັນທີ 29 ກັນຍາ, ກອງທຶນປະຊາກອນ ສປຊ (UNFPA) ໄດ້ສົມທົບກັບກະຊວງສາທາລະນະສຸກ ປະກາດ ແອັບ S – Health ຢ່າງເປັນທາງການ, ພາຍຫຼັງການໃຊ້ທົດລອງມາເປັນເວລາ 8 ເດືອນ. ນີ້ແມ່ນແອັບລຸ້ນໃໝ່ທີ່ຫາກໍໄດ້ອອກແບບໃຫ້ສະເພາະການດູແລສຸຂະພາບຈາກທາງໄກໃຫ້ແກ່ຜູ້ອາຍຸສູງ, ເຊິ່ງເປັນໜຶ່ງໃນບັນດາກຸ່ມປະຊາກອນທີ່ມີຄວາມສ່ຽງສູງກວ່າໝູ່ໃນສັງຄົມ, ພິເສດແມ່ນໃນບັນດາກໍລະນີຮີບດ່ວນ ແລະ ການຕອບສະໜອງດ້ານມະນຸດສະທຳ.
ແອັບດັ່ງກ່າວ ໄດ້ຮັບການອອກແບບຢ່າງໃກ້ຊິດກັບຜູ້ນຳໃຊ້ ເພື່ອຊອກຫາຂໍ້ມູນກ່ຽວກັບສຸຂະພາບເວົ້າລວມ ແລະ ພິເສດແມ່ນບັນດາການບໍລິການດູແລສຸຂະພາບໃຫ້ແກ່ຄົນທີ່ມີອາຍຸສູງເວົ້າສະເພາະ. ແອັບດັ່ງກ່າວຈະສະໜອງຂໍ້ມູນທີ່ໄດ້ອັບເດດເປັນປະຈຳກ່ຽວກັບພະຍາດຕ່າງໆທີ່ຜູ້ອາຍຸສູງເຄີຍຕິດ; ຄວາມຮູ້ທີ່ກ່ຽວຂ້ອງເຖິງການຮັກສາລະບອບໂພສະນາການທີ່ດີ ແລະ ເໝາະສົມກັບຜູ້ອາຍຸສູງ; ປະສົບການດູແລສຸຂະພາບ. ນອກຈາກນັ້ນ, ຍັງຊ່ວຍຕິດຕາມບັນດາຕົວເລກກ່ຽວກັບສຸຂະພາບປະຈໍາວັນ ກໍຄື ມີການຕັ້ງໂມງເວລາບອກເຕືອນໃຫ້ກິນຢາ ຫຼື ໄປກວດສຸຂະພາບ.