(vovworld) - ຕອນເຊົ້າວັນທີ 2/11, ສຳນັກຂ່າວສານ ຫວຽດນາມ ໄດ້ຈັດຕັ້ງພິທີເປີດສະຫລອງສູນຂ່າວສານແຫ່ງຊາດ. ທ່ານຮອງນາຍົກລັດຖະມົນຕີ Nguyen Thien Nhan ໄດ້ເຂົ້າຮ່ວມພິທີ. ນີ້ແມ່ນເຫດການມີຄວາມໝາຍສຳຄັນ, ຢືນຢັນການເຕີບໃຫຍ່ຂອງສຳນັກຂ່າວສານຫວຽດນາມ. ທ່ານ Nguyen Duc Loi ຜູ້ອຳນວຍການໃຫຍ່ ສຳນັກຂ່າວສານຫວຽດນາມ ຢືນຢັນວ່າ: ເລື່ອງນຳສູນຂ່າວສານແຫ່ງຊາດເຂົ້າເຄື່ອນໄຫວຈະສ້າງເງື່ອນໄຂສະດວກເພື່ອໃຫ້ສຳນັກຂ່າວສານ ຫວຽດນາມ ສຳເລັດຫນ້າທີ່ການເມືອງເຊິ່ງພັກ ແລະ ລັດໄດ້ມອບໝາຍໃຫ້ສຳເລັດຜົນ, ຫັນການປະຕິບັດຈຸດໝາຍກໍ່ສ້າງສຳນັກຂ່າວສານຫວຽດນາມໃຫ້ກາຍເປັນສຳນັກຂ່າວຢ່າງແຂງແຮງ, ມີອິດທິພົນຊື່ສຽງໃນພາກພື້ນ ແລະ ສາກົນໃຫ້ປະກົດຜົນເປັນຈິງ. ກ່າວຄຳເຫັນນະພິທີ, ທ່ານຮອງນາຍົກລັດຖະມົນຕີ Nguyen Thien Nhanໄດ້ເນັ້ນຫນັກວ່າ: ດ້ວຍບົດບາດແມ່ນສຳນັກຂ່າວສານແຫ່ງຊາດ, ແມ່ນສູນຂໍ້ມູນຂ່າວສານຍຸດທະສາດຂອງພັກ ແລະ ລັດ, ໃນໄລຍະຈະມາເຖິງ ສຳນັກຂ່າວສານ ຫວຽດນາມຈະຍາດໄດ້ບັນດາຜົນງານໃຫມ່, ສ່ົງຂໍ້ມູນຂ່າວສານກ່ຽວກັບການພັດທະນາຂອງປະເທດຊາດຢ່າງທັນການ, ຖືກທິດ, ຕອບສະຫນອງຄວາມຕ້ອງການຂໍ້ມູນຂ່າວສານຂອງປະຊາຊົນພາຍໃນ ແລະ ຕ່າງປະເທດ.