ເປີດສະຫຼອງປະຕູຖານຂໍ້ມູນປະຕູດຽວກະຊວງປ້ອງກັນປະເທດເຊື່ອມຕໍ່ກັບປະຕູຖານຂໍ້ມູນປະຕູດຽວແຫ່ງຊາດ
( ທ່ານ ເວືອງດິງເຫວ້ ກ່າວຄຳເຫັນທີ່ພິທີ )
(vovworld) - ຕອນເຊົ້າວັນທີ 21/07 ຢູ່ຮ່າໂນ້ຍ, ກອງບັນຊາການທະຫານປ້ອງກັນຊາຍແດນ, ກະຊວງປ້ອງກັນປະເທດ ໄດ້ເປີດສະຫຼອງປະຕູຖານຂໍ້ມູນປະຕູດຽວຂອງກະຊວງປ້ອງກັນປະເທດເຊື່ອມຕໍ່ກັບປະຕູຖານຂໍ້ມູນປະຕູດຽວແຫ່ງຊາດຢ່າງເປັນທາງການ. ກ່າວຄຳເຫັນທີ່ພິທີ, ທ່ານ ເວືອງດິງເຫວ້ ຮອງນາຍົກລັດຖະມົນຕີ ຕີລາຄາສູງເລື່ອງກອງບັນຊາການທະຫານປ້ອງກັນຊາຍແດນສ້າງ ແລະ ເຊື່ອມຕໍ່ “ລະບຽບການຜ່ານຊາຍແດນເອເລັກໂຕນິກທ່າກ່ຳປ່ັນ” ກັບ “ປະຕູຖານຂໍ້ມູນປະຕູດຽວແຫ່ງຊາດ”. ນີ້ແມ່ນຂົງເຂດໃຫຍ່, ມີຜົນສະທ້ອນ, ຄອບງຳເຖິງການເຄື່ອນໄຫວຂອງວິສາຫະກິດພາຍໃນ ແລະ ນອກປະເທດຢູ່ບັນດາທ່າກ່ຳປ່ັນ ຫວຽດນາມ ປະກອບສວ່ນສຳຄັນເຂົ້າໃນການປະຕິຮູບລະບຽບການບໍລິຫານ, ສ້າງເງື່ອນໄຂໃຫ້ສະພາບແວດລ້ອມແຫ່ງການດຳເນີນທຸລະກິດສະດວກ. ທ່ານຮອງນາຍົກລັດຖະມົນຕີ ສະເໜີກະຊວງປ້ອງກັນປະເທດສົມທົບຢ່າງແໜ້ນແຟ້ນກັບຄະນະຊີ້ນຳປະຕູດຽວແຫ່ງຊາດ ແລະ ບັນດາກະຊວງ, ຂະແໜງການທີ່ກ່ຽວຂ້ອງສືບຕໍ່ປັບປຸງ, ສ້າງສຳເລັດຜົນ, ເປີດກ້ວາງການຜັນຂະຫຍາຍກົນໄກປະຕູດຽວແຫ່ງຊາດໃຫ້ລະບຽບການບໍລິຫານທີ່ກ່ຽວຂ້ອງເຖິງການສົ່ງອອກ - ນຳເຂົ້າສິນຄ້າ, ພາຫະນະຂົນສົ່ງເຂົ້າ - ອອກດ່ານຊາຍແດນ, ຜ່ານດ່ານໃນໄລຍະນັບແຕ່ນີ້ຮອດປີ 2017, ມຸ່ງໄປເຖິງ ຫວຽດນາມ ເຂົ້າຮ່ວມກົນໄກປະຕູດຽວຂອງ ອາຊຽນ ໃນອະນາຄົດຢ່າງຄົບຖ້ວນ