ເປັນຄັ້ງທຳອິດ, ສະພາຄວາມໝັ້ນຄົງ ສປຊ ປຶກສາຫາລືກ່ຽວກັບການປະຕິບັດມະຕິແຈກຢາຍວັກຊິນກັນໂຄວິດ - 19 ຢ່າງມີ ຄວາມຍຸຕິທຳ
(VOVWORLD) -ບັນດາປະເທດ ສະມາຊິກ ສະພາຄວາມໝັ້ນຄົງ ສປຊ ໄດ້ຮຽກຮ້ອງຕ້ອງເພີ່ມທະວີການຮ່ວມມືລະຫວ່າງບັນດາປະເທດ ກໍ່ຄືບັນດາອົງການຈັດຕັ້ງ ແລະ ກົນໄກສາກົນ, ເພື່ອແຈກຢາຍ ວັກຊິນຢ່າງມີ ຄວາມຍຸຕິທຳ, ດ້ວຍລາຄາຕ່ຳສຸດ ໃຫ້ແກ່ບັນດາປະເທດພວມປະສົບກັບວິກິດການ, ຮຽກຮ້ອງໃຫ້ປະຊາຄົມສາກົນ ສືບຕໍ່ສະໜັບສະໜູນຄວາມມານະພະຍາຍາມຮັບມືກັບໂລກລະບາດໂຄວິດ - 19.
 ສັກວັກຊິນກັນໂຄວິດ - 19 ໃຫ້ແກ່ປະຊາຊົນ ອິນໂດເນເຊຍ (ພາບ: TTXVN) |
ຕອນເຊົ້າວັນທີ 27 ກໍລະກົດ ຕາມເວລາ ຮ່າໂນ້ຍ, ສະພາຄວາມໝັ້ນຄົງ ສປຊ ໄດ້ຈັດກອງປະຊຸມປຶກສາຫາລືຄັ້ງທຳອິດ ກ່ຽວກັບການປະຕິບັດມະຕິສະບັບເລກທີ 2565, ເຊິ່ງໄດ້ຮັບຮອງເອົາເມື່ອເດືອນກຸມພາ ປີ 2021 ກ່ຽວກັບການແຈກຢາຍວັກຊິນກັນໂຄວິດ - 19 ຢ່າງມີຄວາມຍຸຕິທຳ ໃຫ້ແກ່ ບັນດາປະເທດ ໃນສະພາບການໂລກລະບາດໂຄວິດ - 19 ພວມມີການຜັນແປຢ່າງສັບສົນ, ເປັນຕົ້ນແມ່ນຢູ່ບາງປະເທດເກີດການປະທະກັນ.
ບັນດາປະເທດ ສະມາຊິກ ສະພາຄວາມໝັ້ນຄົງ ສປຊ ໄດ້ຮຽກຮ້ອງຕ້ອງເພີ່ມທະວີການຮ່ວມມືລະຫວ່າງບັນດາປະເທດ ກໍ່ຄືບັນດາອົງການຈັດຕັ້ງ ແລະ ກົນໄກສາກົນ, ເພື່ອແຈກຢາຍ ວັກຊິນຢ່າງມີ ຄວາມຍຸຕິທຳ, ດ້ວຍລາຄາຕ່ຳສຸດ ໃຫ້ແກ່ບັນດາປະເທດພວມປະສົບກັບວິກິດການ, ຮຽກຮ້ອງໃຫ້ປະຊາຄົມສາກົນ ສືບຕໍ່ສະໜັບສະໜູນຄວາມມານະພະຍາຍາມຮັບມືກັບໂລກລະບາດໂຄວິດ - 19.
ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ, ໄດ້ເນັ້ນໜັກວ່າ ຕ້ອງຮັບປະກັນ ທຸກໆຄົນລ້ວນແຕ່ໄດ້ຮັບການສັກວັກຊິນ, ສຳຜັດກັບການບໍລິການວິໄຈຫາເຊື້ອ, ປິ່ນປົ່ວພະຍາດໂຄວິດ - 19 ແລະ ຮຽກຮ້ອງໃຫ້ບັນດາປະເທດສະໜັບສະໜູນການເງິນ ກໍ່ຄືແຫຼ່ງສະໜອງວັກຊິນກັນໂຄວິດ - 19 ໃຫ້ແກ່ໂຄງການ COVAX