ຫວຽດນາມ ບຳລຸງສ້າງຂັ້ນປະລິຍາໂທຂະແໜງການຢາຮັບໃບປະກາດສະນິຍະບັດເອີລົບ
(ພາບ: news.go.vn)
(vovworld) - ວັນທີ 22/10, ຢູ່ທີ່ຮ່າໂນ້ຍ, ທ່ານຮອງລັດຖະມົນຕີກະຊວງສາທາລະນະສຸກຫວຽດນາມ Nguyen Viet Tien, ຜູ້ຕາງໜ້າກະຊວງສຶກສາ ແລະ ບຳລຸງສ້າງ, ສະຖານທູດຝລັ່ງປະຈຳຫວຽດນາມ ແລະ ມະຫາວິທະຍາໄລການຢາຫວຽດນາມ, ມະຫາວິທະຍາໄລວິທະຍາສາດສຸຂະພາບລາວ, ມະຫາວິທະຍາໄລວິທະຍາສາດສຸຂະພາບລາຊະອານາຈັກກຳປູເຈຍ ເຂົ້າຮ່ວມພິທີໄຂຊຸດຮຽນ “ໂຄງການຮ່ວມສຳພັນບຳລຸງສ້າງຂັ້ນປະລິຍາໂທຂະແໜງການຢາຮັບໃບປະກາດສະນິຍະບັດເອີລົບ”. ມະຫາວິທະຍາໄລການຢາຫວຽດນາມ ແມ່ນໂຮງຮຽນອັນດັບໜຶ່ງກ່ຽວກັບການບຳລຸງສ້າງຂະແໜງການຢາຂອງຫວຽດນາມ ເຊິ່ງຜັນຂະຫຍາຍຢ່າງມີປະສິດທິຜົນບັນດາໂຄງການ, ເນື້ອໃນການສຶກສາມະຫາວິທະຍາໄລ ແລະ ເໜືອມະຫາວິທະຍາໄລ, ປະກອບສ່ວນຕອບສະໜອງຄວາມຕ້ອງການທາງດ້ານຊັບພະຍາກອນມະນຸດມີຄຸນນະພາບສູງຂອງຂະແໜງສາທາລະນະສຸກ, ພິເສດແມ່ນກໍ່ສ້າງຖັນແຖວຜູ້ຊ່ຽວຊານທີ່ມີລະດັບວິຊາສະເພາະເທ່ົາທຽມກັບພາກພື້ນ ແລະ ໂລກ… ໂຄງການບຳລຸງສ້າງຂັ້ນປະລິຍາໂທຂະແໜງການຢາ ຮັບໃບປະກາດສະນິຍະບັດເອີລົບ ແມ່ນຮູບແບບການມອບໂອນເຕັກໂນໂລຊີ, ອັນໄດ້ນຳຮູບແບບທົດລອງຂອງໂຮງຮຽນລົງເລິກຂະແໜງສະເພາະມາໃຫ້ລະບົບການສຶກສາຂອງບັນດາປະເທດໃນໂລກ.