ເປັນຄັ້ງທຳອິດ ຫວຽດນາມ ສົ່ງອອກເຂົ້າສານໄປຍັງ ອົດສະຕາລີ
(VOVWORLD) - ບໍ່ພຽງແຕ່ມີລາຄາເພີ່ມຂຶ້ນເທົ່ານັ້ນ, ຫາກຕະຫຼາດສົ່ງອອກເຂົ້າສານຂອງຫວຽດນາມກໍ່ພວມເປີດກ້ວາງອີກດ້ວຍ, ແລະ ໃນອາທິດນີ້ເຂົ້າສານງວດທຳອິດຂອງຫວຽດນາມໄດ້ສົ່ງອອກໄປຍັງຕະຫຼາດອົດສະຕາລີ.
|
 ເມື່ອ EVFTA ເຂົ້າການປະຕິບັດໄດ້ສ້າງກາລະໂອກາດໃຫ້ແກ່ບັນດາວິສາຫະກິດເຂົ້າສານ ຫວຽດນາມ
(ພາບ: dantri.com.vn)
|
ຕາມກຸ່ມບໍລິສັດກ້າເບ້ຍໄມ້ຫວຽດນາມແລ້ວ, ນີ້ແມ່ນຄັ້ງທຳອິດທີ່ຜະລິດຕະພັນເຂົ້າສານທີ່ມີເຄື່ອງໝາຍການຄ້າ ຫວຽດນາມ ໄດ້ສົ່ງອອກໄປຍັງຕະຫຼາດນີ້ອົດສະຕາລີ. ເພື່ອແຊກຊຶມເຂົ້າຕະຫຼາດໃຫຍ່ ຄື EU, ອາເມລິກາ, ອົດສະຕາລີ, ເຂົ້າສານຂອງ ຫວຽດນາມ ຕ້ອງບັນລຸໄດ້ໃບຢັ້ງຢືນລະບົບຄຸ້ມຄອງຄວາມປອດໄພສຸຂະອະນາໄມດ້ານອາຫານ (FSSC 22000) ກ່ຽວກັບການປຸງແຕ່ງ, ຫຸ້ມຫໍ່ ແລະ ອອກສິນຄ້າຂອງລາຊະອານາຈັກອັງກິດ.