ພາບປະກອບ
|
(vovworld) - ພາຍຫລັງສະພາສູງ ອາເມລິກາ ຮັບຮອງເອົາມະຕິ S.Res 524 ຢືນຢັນຄືນການສະຫນັບສະຫນູນຢ່າງແຮງຂອງອາເມລິກາຕໍ່ຖະແຫລງການກ່ຽວກັບການປະພຶດຂອງບັນດາຝ່າຍບົນທະເລຕາເວັນອອກ (DOC). ວັນທີ 4/8, ອຳນາດການປົກຄອງປະທານາທິບໍດີ ອາເມລິກາ Barack Obama ເປັນຄັ້ງທຳອິດໄດ້ອອກຖະແຫລງການກ່ຽວກັບບັນຫາທະເລຕາເວັນອອກ. ຖະແຫລງການໄດ້ຊີ້ແຈງວ່າ: ໂດຍແມ່ນປະເທດໃນເຂດປາຊີຟີກ, ອາເມລິກາ ມີຜົນປະໂຫຍດແຫ່ງຊາດໃນການຮັກສາສັນຕິພາບ ແລະ ສະຖຽນລະພາບ, ເຄົາລົບກົດໝາຍສາກົນ, ມີຄວາມເສລີໃນການເດີນທະເລ ແລະ ການຄ້າຖືກກັບກົດໝາຍຢູ່ເຂດທະເລຕາເວັນອອກ. ອາເມລິກາ ບໍ່ແຊກແຊງເຂົ້າການພິພາດອະທິປະໄຕ ແລະ ບໍ່ມີຄວາມມັກໃຫຍ່ໄຝ່ສູງພິພາດນ່ານທະເລຢູ່ເຂດທະເລຕາເວັນອອກ. ອາເມລິກາ ມີຄວາມເຊື່ອໝັ້ນວ່າ ບັນດາປະເທດໃນພາກພື້ນ ຈະສົມທົບຢ່າງແຫນ້ນແຟ້ນ ແລະ ນຳໃຊ້ມາດຕະການທາງການທູດເພື່ອແກ້ໄຂການພິພາດໂດຍບໍ່ນຳໃຊ້ມາດຕະການບັງຂັບ, ຂູ່ເຂັນ, ນຳໃຊ້ກຳລັງ
ອາວຸດ, ນາບຂູ່ນຳໃຊ້ກຳລັງອາວຸດ. ອາເມລິກາ ວິຕົກກັງວົນກ່ຽວກັບຄວາມເຄັ່ງຕຶງເພີ່ມຂຶ້ນຢູ່ເຂດທະເລຕາເວັນອອກ ແລະ ຕິດຕາມຢ່າງໃກ້ຊິດສະພາບການຢູ່ເຂດນີ້. ອາເມລິກາ ສົ່ງເສີມອາຊຽນ ແລະ ຈີນ ມີບັນດາບາດກ້າວເພື່ອເປັນເອກະພາບຕໍ່ຂໍ້ກຳນົດການປະພຶດຢູ່ທະເລຕາເວັນອອກ (COC), ສ້າງບັນດາຂໍ້ກຳນົດ ແລະ ຫລັກການເພື່ອແກ້ໄຂຄວາມບໍ່ລົງລອຍກັນໂດຍສັນຕິວິທີ. ອາເມລິກາ ສະຫນັບສະຫນູນຫລັກການ 6 ຂໍ້ ຂອງອາຊຽນ ກ່ຽວກັບບັນຫາທະເລຕາເວັນອອກຫວ່າງແລ້ວນີ້. ອາເມລິກາ ເລັ່ງລັດບັນດາຝ່າຍຈົ່ງຊີ້ແຈງຄຳຖະແຫລງການອະທິປະໄຕເຂດນ່ານທະເລ ເຄົາລົບກົດໝາຍສາກົນ, ໃນນັ້ນ ມີສົນທິສັນຍາກົດໝາຍທະເລຂອງສະຫະປະຊາຊາດ.
ໃນວັນດຽວກັນ, ທ່ານ Faleomavaega ສະມາຊິກສະພາຕຳ່ ອາເມລິກາ, ສັງກັດອະນຸກຳມະການກ່ຽວກັບເຂດ ອາຊີ - ປາຊີຟີກ ຂອງສະພາຕຳ່ອາເມລິກາ ໄດ້ແນະນຳຮ່າງກົດໝາຍ H.R.6313 ເພື່ອຊຸກຍູ້ການແກ້ໄຂສັນຕິພາບ ແລະ ການຮ່ວມມືບັນດາການພິພາດເຂດນ່ານທະເລຢູ່ທະເລຕາເວັນອອກກໍຄືເຂດທະເລອື່ນຢູ່ພາກພື້ນອາຊີຕາເວັນອອກ.