ເປັນຄັ້ງທຳອິດ,ເລຂາທິການໃຫຍ່ພັກກອມມູນິດຫວຽດນາມເຂົ້າຮ່ວມຄະນະພັກຕຳຫຼວດສູນກາງ
(ພິທີປະກາດຂໍ້ຕົກລົງຂອງກົມການເມືອງວ່າດ້ວຍການແຕ່ງຕັ້ງ
ກຳມະການໃນຄະນະພັກຕຳຫຼວດສູນກາງອາຍຸການ 2015 – 2020)
(vovworld) - ຕອນເຊົ້າວັນທີ 21/09, ຢູ່ຮ່າໂນ້ຍ, ໄດ້ດຳເນີນພິທີປະກາດຂໍ້ຕົກລົງຂອງກົມການເມືອງວ່າດ້ວຍການແຕ່ງຕັ້ງກຳມະການໃນຄະນະພັກຕຳຫຼວດສູນກາງອາຍຸການ 2015 – 2020. ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟຸຈ້ອງ; ທ່ານປະທານປະເທດ ເຈີນດ້າຍກວາງ; ທ່ານນາຍົກລັດຖະມົນຕີ ຫງວຽນຊວນຟຸກ… ໄດ້ເຂົ້າຮ່ວມ. ທີ່ພິທີ, ທ່ານ ຟ້າມມິງຈິ໋ງ, ຫົວໜ້າຄະນະຈັດຕັ້ງສູນກາງໄດ້ປະກາດຂໍ້ຕົກລົງຂອງກົມການເມືອງວ່າດ້ວຍການແຕ່ງຕັ້ງກຳມະການໃນຄະນະພັກຕຳຫຼວດສູນກາງອາຍຸການ 2015 – 2020 ລວມມີ 16 ທ່ານ; ຄະນະປະຈຳຄະນະພັກລວມມີ 7 ທ່ານ, ໃນນັ້ນມີການນຳພັກ, ລັດ 3 ທ່ານ ນັ້ນແມ່ນ ເລຂາທິການໃຫຍ່, ປະທານປະເທດ, ນາຍົກລັດຖະມົນຕີ. ນີ້ແມ່ນຄັ້ງທຳອິດໃນບັນດາອາຍຸການ, ເລຂາທິການໃຫຍ່ເຂົ້າຮ່ວມຄະນະພັກ, ຄະນະປະຈຳຄະນະພັກຕະຫຼວດສູນກາງ.
ກ່າວຄຳເຫັນທີ່ພິທີ, ທ່ານເລຂາທິການໃຫຍ່ ຫງວຽນຟຸຈ້ອງ ຊີ້ິ້ແຈ້ງວ່າ.
“ກຳນົດວຽກງານກໍ່ສ້າງພັກ ແມ່ນຫຼັກແຫຼ່ງ, ວຽກງານສຶກສາອົບຮົບການເມືອງ, ແນວຄິດ, ສຶກສາອົບຮົມມູນເຊື້ອ, ຍົກສູງຄວາມຮັບຜິດຊອບ, ລະບຽບວິໄລ ແມ່ນໜ້າທີ່ຈຸດສຸມອັນດັບໜຶ່ງ. ວຽກງານພະນັກງານແມ່ນຂອດຕັດສິນ, ຈັດຕັ້ງກຳລັງຕະຫຼວດຕາມທິດ “ມີຄວາມເກັ່ງກ້າສາມາດ, ກະທັດລັດ, ເຂັ້ມແຂງ” ໂຄງປະກອບອົງການຈັດຕັ້ງໃຫ້ເໝາະສົມ. ຕີລາຄາຢ່າງກົງໄປກົງມາ ແລະ ເຂັ້ມງວດ, ວາງອອກບັນດາມາດຕະການສະກັດກັ້ນ, ຍູ້ໃຫ້ປະກົດການຊຸດໂຊມດ້ານແນວຄິດການເມືອງ, ຄຸນສົມບັດ, ແບບແຜນດຳລົງຊີວິດພາຍໃນໃຫ້ຖ້ອຍໄປ. ສືບຕໍ່ສ້າງກຳລັງຕຳຫຼວດປະຊາຊົນປະຕິວັດ, ເປັນກຳລັງຫຼວງ, ກະທັດລັດ, ຫັນເປັນທັນສະໄໝເທື່ອລະກ້າວ”