ເປັນເຈົ້າການປ່ຽນໃໝ່, ຜ່ານຜ່າຄວາມຫຍຸ້ງຍາກເພື່ອນຳປະເທດຊາດພັດທະນາແບບຍືນຍົງ
ການໂອ້ລົມສົນທະນາ ຄົ້ນຄວ້າກ່ຽວກັບ “ຈຸດຕິດຂັດໃນການເຕີບໂຕ
ແລະ ແຜນທີ່ກຳລັງຄວາມສາມາດການຜະລິດຂອງ ຫວຽດນາມ”
(vovworld) - ຕອນເຊົ້າວັນທີ 13/12 ຢູ່ຮ່າໂນ້ຍ, ຄະນະເສດຖະກິດສູນກາງໄດ້ຈັດຕັ້ງການໂອ້ລົມສົນທະນາ ຄົ້ນຄວ້າກ່ຽວກັບ “ຈຸດຕິດຂັດໃນການເຕີບໂຕ ແລະ ແຜນທີ່ກຳລັງຄວາມສາມາດການຜະລິດຂອງ ຫວຽດນາມ”. ຕາມໝາກຜົນການຄົ້ນຄວ້າ, ຈຸດຕິດຂັດໃນການເຕີບໂຕດ້ານເສດຖະກິດຂອງ ຫວຽດນາມ ລວມມີ 3 ໝວດຕົ້ນຕໍ, ນັ້ນແມ່ນ: ໃນໄລຍະສັ້ນ ກົງຈັກບໍລິຫານເຄື່ອນໄຫວຍັງບໍ່ທັນບັນລຸປະສິດທິຜົນສູງສຸດ; ໃນໄລຍະກາງ ລວມມີຄວາມສ່ຽງດ້ານເສດຖະກິດມະຫາພາກ ແລະ ຄວາມສ່ຽງລະບອບລະບຽບການດ້ານເສດຖະກິດຈຸລະພາກ; ໃນໄລຍະຍາວແມ່ນໂຄງປະກອບພື້ນຖານໂຄງລ່າງ ແລະ ແຫຼ່ງຊັບພະຍາກອນມະນຸດ. ທ່ານ ກາວດຶກຟາດ ຮອງຫົວໜ້າຜູ້ປະຈຳການຄະນະເສດຖະກິດສູນກາງໃຫ້ຮູ້ວ່າ:
“ໃນປະຈຸບັນ ຫວຽດນາມ ຍັງຄົງປະຕິບັດຕາມຮູບແບບການເຕີບໂຕຕົ້ນຕໍແມ່ນອີງໃສ່ການຂຸດຄົ້ນຊັບພະຍາກອນ, ເງິນລົງທຶນ, ຄ່າແຮງງານຖືກໂດຍພື້ນຖານ. ຍັງບໍ່ທັນອີງໃສ່ການເພີ່ມສະມັດຕະພາບແຮງງານ, ໝູນໃຊ້ວິທະຍາສາດ-ເຕັກໂນໂລຢີ, ປ່ຽນໃໝ່ການຈັດຕັ້ງໃນການຄຸ້ມຄອງ ການຜະລິດທຸລະກິດ…ລະດັບເຕີບໂຕເສດຖະກິດພວມມີທ່າອ່ຽງຊັກຊ້າ ແລະ ຄຸນນະພາບເຕີບໂຕຕ່ຳ. ຕໍ່ໜ້າສະພາບການນັ້ນ ຫວຽດນາມ ມີແຜນນະໂຍບາຍຕ້ອງສືບຕໍ່ປ່ຽນໃໝ່ຢ່າງແຮງ, ມີການກະທຳຢ່າງຂ້ຽວຂາດ, ຂະຫຍັນຂັນເຄື່ອນ, ມີຫົວຄິດປະດິດສ້າງ, ຍາດແຍ່ງກາລະໂອກາດ, ສິ່ງສະດວກ, ຜ່ານຜ່າຄວາມຫຍຸ້ງຍາກ ເພື່ອນຳປະເທດຊາດພັດທະນາໄວ ແລະ ຍືນຍົງ.”