(vovworld) – ຕອນເຊົ້າວັນທີ 31/7, ຢູ່ ຮ່າໂນ້ຍ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ມີການເຮັດວຽກກັບຄະນະກຳມະການພັກສານປະຊາຊົນສູງສຸດກ່ຽວກັບເລື່ອງປະຕິບັດມະຕິຂອງກົມການເມືອງ ກ່ຽວກັບຍຸດທະສາດປັບປຸງຍຸຕິທຳຮອດປີ 2020. ທ່ານຮອງນາຍົກລັດຖະມົນຕີ ຫງວຽນຊວນຟຸກ ຖືວ່າ: ມະຕິໄດ້ປະກອບສ່ວນຍົກສູງສະຕິຄວາມຮູ້ຂອງພະນັກງານ, ລັດຖະກອນທີ່ມີຕໍ່ບັນດາໜ້າທີ່ປະຕິດ້ານຮູບຍຸຕິທຳ, ພິເສດແມ່ນໜ້າທີ່ກ່ຽວຂ້ອງໂດຍກົງເຖິງການຈັດຕັ້ງ, ການເຄື່ອນໄຫວຂອງຂະແໜງສານປະຊາຊົນ, ພ້ອມທັງຍົກສູງຄຸນນະພາບການພິພາກສາ, ຍົກສູງຄຸນນະພາບການໂຕ້ຄວາມຢູ່ສານ. ພາຍຫຼັງໄຈ້ແຍກບັນດາຂໍ້ຈຳກັດ, ອ່ອນດ້ອຍຂອງຂະແໜງສານ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ສະເໜີວ່າ:
“ພະນັກງານສານປະຊາຊົນສູງສຸດຄວນເປັນເຈົ້າການ, ຕັ້ງໜ້າສົມທົບກັບຄະນະກຳມະການປັບປຸງລັດຖະທຳມະນູນປະກອບຄຳເຫັນຢ່າງຮອບດ້ານເຂົ້າໃນຮ່າງລັດຖະທຳມະນູນສະບັບປັບປຸງ, ພິເສດແມ່ນກະກຽມເນື້ອໃນພາກກ່ຽວກັບສານໃນຮ່າງລັດຖະທຳມະນູນໃຫ້ດີ, ຕອບສະໜອງຄວາມຮຽກຮ້ອງຕ້ອງການສ້າງລະບົບຍຸຕິທຳປອດໃສ, ໝັ້ນຄົງເຂັມແຂງ ຮັບໃຊ້ໃຫ້ວຽກງານຕໍ່ສູ້ປ້ອງກັນ, ຕ້ານອາດຊະຍາກຳຢ່າງຕັ້ງໜ້າ. ພ້ອມທັງ, ຄວນເປັນເຈົ້າການໃນວຽກງານສ້າງກົດໝາຍພິເສດແມ່ນໃນຂົງເຂດເຄື່ອນໄຫວຍຸຕິທຳ ເພື່ອເຮັດແນວໃດໃຫ້ສ້າງກົນໄກໃຫ້ໂປ່ງໃສ, ກວດກາ, ຕິດຕາມກວດກາ ອົງການດຳເນີນຄະດີດ້ວຍຖານະເປັນໃຈກາງ. ພ້ອມກັນນັ້ນ, ເພີ່ມທະວີການກວດກາ, ຕິດຕາມກວດກາເພື່ອສະກັດກັ້ນບັນດາສິ່ງຫຍໍ້ທໍ້ເກີດຂຶ້ນຢ່າງທັນການ.”