(vovworld) - ວັນທີ 21/1 ຢູ່ຮ່າໂນ້ຍ, ຄະນະວຽກງານການເມືອງພາຍໃນສູນກາງ ໄດ້ຈັດກອງປະຊຸມສະຫຼຸບວຽກງານໃນປີ 2014, ຜັນຂະຫຍາຍໜ້າທີ່ປີ 2015. ບົດລາຍງານ ແລະ ບັນດາຄຳເຫັນທີ່ກອງປະຊຸມຊີ້ແຈ້ງວ່າ: ປີ 2014 ແມ່ນປີທີ 2 ທີ່ອົງການປະຈຳການຂອງຄະນະຊີ້ນຳສູນກາງກ່ຽວກັບການປ້ອງກັນ ແລະ ຕ້ານການສໍ້ລາດບັງຫຼວງໄດ້ເຄື່ອນໄຫວໃນສະພາບທີ່ການສໍ້ລາດບັງຫຼວງພວມຜັນແປໄປຢ່າງສັບສົນ. ແຕ່ດ້ວຍຄວາມຕັດສິນໃຈ ແລະ ຄວາມມານະພະຍາຍາມຂອງພັກ, ລັດ, ທັງລະບົບການເມືອງ, ສື່ສານ ແລະ ບົດບາດ, ຄວາມຮັບຜິດຊອບຂອງຄະນະຊີ້ນຳ, ໃນນັ້ນມີການປະກອບສ່ວນຂອງຄະນະວຽກງານການເມືອງພາຍໃນສູນກາງ, ວຽກງານປ້ອງກັນ ແລະ ຕ້ານການສໍ້ລາດບັງຫຼວງໄດ້ຮັບການຜັນຂະຫຍາຍຢ່າງຕັ້ງໜ້າໃນບາງຂົງເຂດ: ກໍ່ສ້າງ ແລະ ປັບປຸງລະບອບ, ໂຄສະນາ ແລະ ສຶກສາກ່ຽວກັບວຽກງານປ້ອງກັນ, ຕ້ານການສໍ້ລາດບັງຫຼວງ; … ບັນດາອົງການກວດກາ, ກວດສອບບັນຊີ, ສືບສວນ, ຟ້ອງສານ, ພິພາກສາ, ປະຕິບັດຄຳຕັດສິນຂອງສານໄດ້ຕັ້ງໜ້າເປັນເຈົ້າການ ແລະ ເດັດດຽວກວ່າໃນການຄົ້ນພົບ, ລົງໂທດບັນດາກໍລະນີສໍ້ລາດບັງຫຼວງ. ກອງປະຊຸມກຳນົດວ່າ, ປີ 2015 ແມ່ນປີສຸດທ້າຍຂອງແຜນການພັດທະນາເສດຖະກິດສັງຄົມໄລຍະ 5 ປີ (2011-2015); ແມ່ນປີດຳເນີນຫຼາຍເຫດການສຳຄັນຂອງປະເທດ; ພິເສດແມ່ນປີດຳເນີນກອງປະຊຸມໃຫຍ່ພັກທຸກຂັ້ນ, ກ້າວໄປເຖິງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກ. ຕາມນັ້ນແລ້ວ, ວຽກງານການເມືອງພາຍໃນ ແລະ ວຽກງານປ້ອງກັນ ແລະ ຕ້ານການສໍ້ລາດບັງຫຼວງ ຕ້ອງມຸ່ງໄປເຖິງການປະຕິບັດບັນດາຄາດໝາຍພັດທະນາເສດຖະກິດສັງຄົມໄລຍະ 5 ປີຢ່າງມີໄຊ; ຮັກສາຄວາມໝັ້ນຄົງ, ການເມືອງ; ຮັບປະກັນຄວາມເປັນລະບຽບຮຽບຮ້ອຍທາງສັງຄົມ, ຮັບໃຊ້ວຽກງານຈັດຕັ້ງກອງປະຊຸມໃຫຍ່ພັກທຸກຂັ້ນໃຫ້ສຳເລັດຜົນ.