ຜູ້ຕາງໜ້າUNESCOມອບໃບຢັ້ງຢືນທີ່ພິທີ
(ພາບ: N.Nguyên)
|
(vovworld) - ຕອນຄຳ່ວັນທີ 31/1, ຢູ່ນະຄອນວິງ, ຄະນະກຳມະການປະຊາຊົນແຂວງເງ້ອານ ແລະ ຮ່າຕິ້ງ ຈັດຕັ້ງພິທີເຊີດຊູເພງພື້ນເມືອງວີ໋, ຢຳ້ ເງ້ຕິ້ງ ແລະ ຕ້ອນຮັບໃບຢັ້ງຢືນຂອງ UNESCO ທີ່ຮັບຮອງ ເພງພື້ນເມືອງວີ໋, ຢຳ້ ເງ້ຕິ້ງ ແມ່ນມໍລະດົກວັດທະນະທຳບໍ່ມີຮູບຮ່າງທີ່ຕາງໜ້າຂອງມວນມະນຸດ. ເຂົ້າຮ່ວມພິທີດັ່ງກ່າວມີທ່ານປະທານສະພາແຫ່ງຊາດ ຫງວຽນຊິງຮຸ່ງ, ບັນດາທ່ານຮອງປະທານສະພາແຫ່ງຊາດ, ບັນດາທ່ານຮອງນາຍົກລັດຖະມົນຕີ, ແລະ ບັນດາ ອະດີດການນຳພັກລັດ, ພ້ອມກັບປະຊາຊົນທ້ອງຖີ່ນເປັນຈຳນວນຫຼວງຫຼາຍ.
ວີ໋, ຢຳ້ ແມ່ນເພງພື້ນເມືອງ ໂດຍຊາວເງ້ຈິງ ປະດິດແຕ່ງກ່ອນນີ້ນັບຮ້ອຍຢີ, ເຊິ່ງເຄີຍໃຊ້ໃນການອອກແຮງງານ ແລະ ໃນຊີວິດປະຈຳວັນ.
ກ່າວຄວາມເຫັນທີ່ພິທີ, ທ່ານຮອງນາຍົກລັດຖະມົນຕີ ຫວູດຶກດາມ ໄດ້ຂອບອົກຂອບໃຈ UNESCO, ບັນດາອົງການສາກົນ ໃຫ້ການສະໜັບສະໜູນເພື່ອໃຫ້ ເພງພື້ນເມືອງວີ໋, ຢຳ້ ເງ້ຕິ້ງ ໄດ້ຮັບການຮັບຮອງວ່າເປັນມໍລະດົກວັດທະນະທຳບໍ່ມີຮູບຮ່າງຂອງມວນມະນຸດ.
“ພວກເຮົາຈົ່ງພ້ອມກັນອະນຸລັກຮັກສາ ແລະ ເສີມຂະຫຍາຍບັນດາມໍລະດົກອັນລຳ້ຄ່າຂອງມວນມະນຸດ, ໃນນັ້ນມີ ເພງພື້ນເມືອງວີ໋, ຢຳ້ ເງ້ຕິ້ງ, ເພື່ອໃຫ້ວັດທະນະທຳຫວຽດນາມເຈືອຈານພ້ອມກັບອະລິຍະທຳຂອງມວນມະນຸດ, ສ້າງພື້ນຖານດ້ານຈິດໃຈ ແລະ ກຳລັງໜູນແນໃສ່ກໍ່ສ້າງສຳເລັດ, ແລະ ປົກປັກຮັກສາປະເທດສັງຄົມນິຍົມຫວຽດນາມ ໄວ້ຢ່າງໝັ້ນຄົງ, ເພື່ອໃຫ້ປະຊາຊົນຮັ່ງມີ, ປະເທດຊາດເຂັ້ມແຂງ, ສັງຄົມຍຸຕິທຳ, ປະຊາທິປະໄຕ ແລະ ສີວິໄລ, ເພື່ອໃຫ້ພື້ນຖານອະລິຍະທຳຂອງຫວຽດນາມໄດ້ຮັບການສືບທອດຕະຫຼອດໄປ “.
ສ່ວນທ່ານນາງ Katherine Muller Martin, ຫົວໜ້າຜູ້ຕາງໜ້າຫ້ອງການ UNESCO ປະຈຳຮ່າໂນ້ຍ ກໍ່ຢືນຢັນວ່າ, ເພງພື້ນເມືອງວີ໋, ຢຳ້ ເງ້ຕິ້ງ ໄດ້ຮັບການຕີລາຄາສູງຈາກບັນດາສະມາຊິກຂອງຄະນະກຳມະການລະຫວ່າງລັດຖະບານກ່ຽວກັບການອະນຸລັກຮັກສາມໍລະດົກວັດທະນະທຳບໍ່ມີຮູບຮ່າງ. UNESCO ຫວັງວ່າ, ອຳນາດການປົກຄອງ ແລະ ປະຊາຊົນແຂວງເງ້ອານ, ຮ່າຕິງ ຈະມີມາດຕະການຕ່າງໆເພື່ອເສີມຂະຫຍາຍຄຸນຄ່າຂອງເພງພື້ນເມືອງວີ໋, ຢຳ້ ເງ້ຕິ້ງ, ກໍ່ຄືປະຕິບັດບັນດາເນື້ອໃນລາຍການດຳເນີນງານແຫ່ງຊາດ ເພື່ອເຮັດໃຫ້ມໍລະດົກນັບມື້ນັບພັດທະນາກວ່າອີກ.