ເພີ່ມທະວີການຕິດຕາມກວດກາແລະເຮັດໃຫ້ລະບົບການເງິນໂປ່ງໃສ
ກອງປະຊຸມສຳມະນາຖືກຈັດຂື້ນໃນວັນທີ 18/12
(ພາບ: baomoi.com)
(vovworld) – ທີ່ກອງປະຊຸມສຳມະນາສາກົນ “ເພີ່ມທະວີການຕິດຕາມກວດາ ແລະ ເຮັດໃຫ້ລະບົບການເງິນໂປ່ງໃສ” ໂດຍຄະນະກຳມະການຕິດຕາມກວດກາການເງິນແຫ່ງຊາດສົມທົບກັບຄະນະເສດຖະກິດສູນກາງ, ກຳມາທິການເສດຖະກິດຂອງສະພາແຫ່ງຊາດ ແລະ ທະນາຄານໂລກປະຈຳ ຫວຽດນາມ ຈັດຕັ້ງໃນຕອນເຊົ້າວັນທີ 18/12, ຢູ່ ຮ່າໂນ້ຍ, ບັນດາຜູ້ແທນໃຫ້ຂໍ້ສັງເກດວ່າ: ພາຍຫຼັງເກືອບ 30 ປີແຫ່ງການປ່ຽນໃໝ່, ລະບົບກົນໄກ, ນະໂຍບາຍການເງິນຂອງ ຫວຽດນາມ ນັບມື້ນັບສົມບູນແບບ ເໝາະສົມກັບລະບອບເສດຖະກິດການຕະຫຼາດ ຕາມກຳນົດທິດສັງຄົມນິຍົມ ແລະ ບັນດາເງື່ອນໄຂລະອຽດຂອງປະເທດຊາດ, ສຳພັດກັບທຳນຽມສາກົນເທື່ອລະກ້າວ. ຕາມທ່ານ ເວືອງດິ່ງເຫ້ວ, ຫົວໜ້າຄະນະເສດຖະກິດສູນກາງແລ້ວ: ເພື່ອຍົກສູງປະສິດທິຜົນຂອງການຄຸ້ມຄອງລັດທີ່ມີຕໍ່ຕະຫຼາດການເງິນໃນວິວັດການສ້າງໂຄງປະກອບເສດຖະກິດຄືນໃໝ່, ລັດຕ້ອງ:
“ປະຕິບັດການພັດທະນາຕະຫຼາດການເງິນຢ່າງຄົບຊຸດ ແລະ ໝັ້ນຄົງ ເຊິ່ງລວມມີຕະຫຼາດທຶນ ແລະ ຕະຫຼາດການເງິນ. ທັງດ້ານທິດສະດີ ແລະ ພຶດຕິກຳຕົວຈິງຂອງ ຫວຽດນາມ ແລະ ບົດຮຽນຈາກປະເທດຕ່າງໆ ຂອດບຸກທະລຸແມ່ນແກ້ໄຂການພົວພັນລະຫວ່າງລັດ ແລະ ຕະຫຼາດໃນເລື່ອງຈັດແບ່ງບັນດາແຫຼ່ງກຳລັງ ແລະ ແຫຼ່ງທຶນໃຫ້ແກ່ການພັດທະນາພິເສດແມ່ນການຈັດແບ່ງຄັ້ງທຳອິດ. ເຖິງວ່າການຈັດແບ່ງແມ່ນຂຶ້ນກັບລັດ ກໍ່ຕ້ອງເຄົາລົບບັນດາຫຼັກການຂອງຕະຫຼາດຢ່າງພາວະວິໄສ, ຖືເປັນສຳຄັນບັນດາສັນຍານຊີ້ນຳຂອງຕະຫຼາດ. ເພີ່ມທະວີການຄຸມຄອງລັດທີ່ມີຕໍ່ຕະຫຼາດທຶນ, ຮັບປະກັນໃຫ້ຕະຫຼາດນີ້ເຄື່ອນໄຫວເປັນຢ່າງດີ, ເປີດເຜີຍ, ໂປງໃສ ແລະ ມີປະສິດທິຜົນ.”