ການປ້ອງກັນ ແລະ ຕ້ານເຊື້ອ HIV ໂລກ AIDS
(ພາບ:dic.gov.vn)
(VOV)- ວັນທີ 16/11, ຢູ່ຮ່າໂນ້ຍ, ໄດ້ໄຂກອງປະຊຸມສຳມະນາທາບທາມຄຳເຫັນ “ຍຸດທະສາດເພີ່ມທະວີການເຂົ້າຮ່ວມຂອງບັນດາອົງການຈັດຕັ້ງສັງຄົມເຂົ້າໃນການປ້ອງກັນ ແລະ ຕ້ານເຊື້ອ HIV ໂລກ AIDS ຢູ່ຫວຽດນາມ ຮອດປີ 2020“. ມາຮອດປະຈຸບັນ, ການເຂົ້າຮ່ວມຂອງສັງຄົມພົນລະເຮືອນເຂົ້າໃນການປ້ອງກັນ ແລະ ຕ້ານເຊື້ອ HIV ໂລກ AIDS ຍັງມີການຈະແຈກກະຈາຍ, ບໍ່ສຳໝ່ຳສະເໝີ. ການສ້າງຍຸດທະສາດເພີ່ມທະວີການເຂົ້າຮ່ວມຂອງບັນດາອົງການສັງຄົມພົນລະເຮືອນໃນການປ້ອງກັນ ແລະ ຕ້ານເຊື້ອ HIV ໂລກ AIDS ຈະແມ່ນການກຳນົດທິດມີລັກສະນະສັງລວມ, ຈຸດສຸມ ແລະ ຍາວນານເພື່ອແນ່ໃສ່ຊຸກຍູ້, ຕິດພັນການເຂົ້າຮ່ວມຂອງບັນດາອົງການສັງຄົມພົນລະເຮືອນເຂົ້າໃນການປ້ອງກັນ ແລະ ຕ້ານເຊື້ອ HIV ໂລກ AIDS ຢ່າງມີປະສິດທິຜົນກ່ວາອີກ. ເພື່ອເສີມຂະຫຍາຍຄວາມສາມາດຂອງບັນດາອົງການສັງຄົມພົນລະເຮືອນໃນວຽກງານນີ້, ທ່ານນາງ Do Thi Van ຜູ້ອຳນວຍການໂຄງການພາກສ່ວນສະຫະພັນບັນດາສະມາຄົມວິທະຍາສາດ ແລະ ເຕັກນິກຫວຽດນາມ, ໂຄງການປ້ອງກັນ ແລະ ຕ້ານເຊື້ອ HIV ໂລກ AIDS ທົ່ວໂລກ ໃຫ້ຮູ້ວ່າ:
“ໃນໄລຍະທີ່ຈະມາເຖິງ, ພວກຂ້າພະເຈົ້າຄິດວ່າລັດຈະໜູນຊ່ວຍຄ່າໃຊ້ຈ່າຍໃນວຽກງານປ້ອງກັນ ແລະ ຕ້ານເຊື້ອ HIV ໂລກ AIDS. ບັນດາອົງການສັງຄົມຂອງພວກຂ້າພະເຈົ້າກໍ່ໄດ້ກຳນົດວ່າຄວາມສາມາດຂອງຕົນຕ້ອງໄດ້ຮັບການຍົກສູງຂຶ້ນ, ເຮັດແນວໃດເພື່ອສາມາດລະດົມແຫຼ່ງກຳລັງໃນປະເທດໄດ້ໃນຂະນະທີ່ແຫຼ່ງກຳລັງຂອງລັດຖະບານຍັງມີຄວາມຈຳກັດຢູ່. ໃນໄລຍະຍາວນານຕ້ອງສ້າງຍຸດທະສາດເພື່ອໃຫ້ພວກຂ້າພະເຈົ້າຖືວ່ານີ້ແມ່ນເຂັມຊີ້ທິດເພື່ອໃຫ້ບັນດາອົງການຈັດຕັ້ງອື່ນໆເຂົ້າຮ່ວມຢ່າງມີປະສິດທິຜົນກ່ວາອີກ“