ທ່ານ ຟ້າມວັນລິງ ຮອງຫົວໜ້າຄະນະໂຄສະນາສຶກສາສູນກາງ
(ພາບ: ອິນເຕີແນັດ)
(vovworld) – ຕອນເຊົ້າວັນທີ 4/11 ຢູ່ຮ່າໂນ້ຍ, ຄະນະໂຄສະນະສຶກສາສູນກາງ, ກະຊວງຖະແຫຼງຂ່າວ ແລະ ສື່ສານ, ຄະນະຊີ້ນຳສູນກາງກ່ຽວກັບວຽກງານຖະແຫລງຂ່າວໃຫ້ຕ່າງປະເທດສົມທົບກັນຈັດຕັ້ງ ກອງປະຊຸມຝຶກອົບຮົມວຽກງານຖະແຫຼງຂ່າວໃຫ້ຕ່າງປະເທດ ແລະ ຜັນຂະຫຍາຍດຳລັດກ່ຽວກັບການຄຸ້ມຄອງການເຄື່ອນໄຫວຖະແຫຼງຂ່າວໃຫ້ຕ່າງປະເທດ. ທີ່ວາລະປຶກສາຫາລື, ທ່ານ ຟ້າມວັນລິງ, ຮອງຫົວໜ້າຄະນະໂຄສະນາສຶກສາສູນກາງ, ຮອງຜູ້ປະຈຳການຄະນະຊີ້ນຳວຽກງານຖະແຫຼງຂ່າວໃຫ້ຕ່າງປະເທດເນັ້ນໜັກວ່າ:
“ໃນສະພາບການປະຈຸບັນທີ່ໄດ້ ແລະ ພວມຜັນແປຢ່າງສັບສົນ, ຍາກທີ່ຈະຄາດຄະເນໄວ້ລ່ວງໜ້າ, ສະພາບການຢູ່ພາຍໃນປະເທດນັ້ນ ພ້ອມມີບັນດາຄວາມສະດວກໂດຍພື້ນຖານ ຫໍ່ຍັງມີບັນດາຄວາມທຸກຍາກ, ສິ່ງທ້າທາຍ, ອັນໄດ້ວາງອອກບັນດາບັນຫາໃໝ່, ຄວາມຮຽກຮ້ອງໃໝ່ສຳລັບພາລະກິດປ່ຽນໃໝ່, ພັດທະນາປະເທດຊາດ, ອັນໄດ້ຮຽກຮ້ອງໃຫ້ບັນດາກຳລັງປະຕິບັດວຽກງານຖະແຫຼງຂ່າວໃຫ້ຕ່າງປະເທດຕ້ອງສືບຕໍ່ປ່ຽນໃໝ່, ເພີ່ມທະວີ ແລະ ຍົກສູງບັນດາການເຄື່ອນໄຫວຖະແຫຼງຂ່າວໃຫ້ຕ່າງປະເທດຢ່າງມີປະສິດທິຜົນ ເພື່ອແນໃສ່ສຳເລັດໜ້າທີ່ຂອງພັກ, ລັດມອບໝາຍໃຫ້”.