ທ່ານເລຂາທິການໃຫຍ່ຫງວຽນຟູຈ້ອງ ກ່າວຄຳເຫັນທີ່ກອງປະຊຸມ
ພາບ:baomoi
|
(vovworld)- ກອງປະຊຸມພະນັກງານທົ່ວປະເທດເພື່ອຊາບຊືມ, ຜັນຂະຫຍາຍການປະຕິບັດຄຳສັ່ງເລກທີ 46 ຂອງກົມການເມືອງກ່ຽວກັບ ການເພີ່ມທະວີການຊີ້ນຳນຳພາຂອງພັກຕໍ່ວຽກງານຮັບປະກັນຄວາມສະຫງົບ, ຄວາມເປັນລະບຽບຮຽບຮ້ອຍທາງສັງຄົມໃນສະພາບການໃຫມ່ ຊື່ງດຳເນີນໄປໃນຕອນເຊົ້າວັນທີ 16/7 ຢູ່ ຮ່າໂນ້ຍ ພາຍໃຕ້ການເປັນປະທານຂອງທ່ານ ຫງວຽນຟູຈ້ອງ, ເລຂາທິການໃຫຍ່ ພັກກອມມູນິດຫວຽດນາມ. ທ່ານປະທານປະເທດ ເຈືອງເຕີນຊາງ ແລະ ທ່ານເລຮົ່ງແອງ, ຜູ້ປະຈຳການຄະນະເລຂາສູນກາງພັກໄດ້ເຂົ້າຮ່ວມກອງປະຊຸມ.
ກ່າວຄຳເຫັນນະທີ່ນີ້, ທ່ານເລຂາທິການໃຫຍ່ ຫງວຽນຟູຈ້ອງ ໄດ້ໄຈ້ແຍກ, ເຮັດແຈ້ງການຜັນແປຈຳນວນຫນຶ່ງຂອງສະພາບການຢູ່ພາຍໃນປະເທດ ແລະ ໂລກ. ທ່ານເລຂາທິການໃຫຍ່ ຮຽກຮ້ອງໃຫ້ບັນດາກຳມະການຄະນະບໍລິຫານງານສູນກາງພັກ, ການນຳຫລັກແຫລ່ງຂອງບັນດາກະຊວງ, ຂະແຫນງການ ແລະ ທ້ອງຖິ່ນ ປະຕິບັດຄຳສັ່ງຢ່າງມີປະສິດທິຜົນ, ສ້າງການຫັນປ່ຽນກ່ຽວກັບຄວາມຮັບຮູ້ ແລະ ການເຄື່ອນໄຫວໃນວຽກງານຮັບປະກັນຄວາມສະຫງົບແຫ່ງຊາດ, ຮັກສາຄວາມເປັນລະບຽບຮຽບຮ້ອຍທາງສັງຄົມ, ປົກປັກຮັກສາເອກະລາດ, ອະທິປະໄຕແຫ່ງຊາດ, ປົກປັກຮັກສາພັກ, ລະບອບ, ປະຊາຊົນ, ສະພາບແວດລ້ອມແຫ່ງສັນຕິພາບ, ສະຖຽນລະພາບເພື່ອສ້າງສາ ແລະ ພັດທະນາປະເທດຊາດ.