( vovworld ) - ເນື່ອງໃນໂອກາດການຢ້ຽມຢາມຫວຽດນາມ ຢ່າງເປັນທາງການຂອງທ່ານປະທານນາທິບໍດີສ.ໂອຕລິດ, ຕອນບ່າຍວັນທີ 29/5, ຢູ່ຮ່າໂນ້ຍ, ຫ້ອງການການຄ້າ ແລະ ອຸດສາຫະກຳຫວຽດນາມ ໄດ້ສົມທົບກັບຫ້ອງການການຄ້າ ແລະ ອຸດສາຫະກຳສ.ໂອຕລິດ ຈັດຕັ້ງເວທີປາໄສວິສາຫະກິດຫວຽດນາມ - ໂອຕລິດ. ກ່າວຄຳເຫັນທີ່ເວທີປາໄສ, ທ່ານ Walter Koren, ຜູ້ອຳນວຍການອົງການການຄ້າສ.ໂອຕລິດ ໃຫ້ຮູ້ວ່າ, ສ.ໂອຕລິດ ມີການພັດທະນາດີພາຍໃນກຸ່ມບັນດາປະເທດເອີລົບ ແລະ ມີການພົວພັນກັບບັນດາປະເທດພັດທະນາທີ່ຂະຫຍັນຂັນເຄື່ອນ, ມີພື້ນຖານອຸດສາຫະກຳໃຫຍ່. ເພາະສະນັ້ນ, ເມື່ອວິສາຫະກິດຫວຽດນາມ ຮ່ວມມືກັບສ.ໂອຕລິດ ຈະແມ່ນເງື່ອນໄຂທີ່ດີໃນການຄົ້ນຄ້ວາ ແລະ ໜູນຊ່ວຍດ້ານເຕັກໂນໂລຊີ… ໃນຊຸມປີມໍ່ໆມານີ້ ວົງເງິນສົ່ງອອກສອງສົ້ນສະເລ່ຍເພີ່ມຂຶ້ນແຕ່ 15 – 20%, ປີ 2011 ບັນລຸເກືອບ 627 ລ້ານ USD ແລະ ໃນ 3 ເດືອນຕົ້ນປີ 2012 ບັນລຸກ່ວາ 170 ລ້ານ USD. ບັນດາວິສາຫະກິດສ.ໂອຕລິດ ຊອກຫາກາລະໂອກາດລົງທຶນຢູ່ຫວຽດນາມ ແມ່ນເງື່ອນໄຂທີ່ດີເພື່ອຊ່ວຍໃຫ້ຜະລິດຕະພັນຂອງສ.ໂອຕລິດ ສາມາດແຊກຊຶມເຂົ້າຕະຫຼາດຂອງບັນດາປະເທດໃນພາກພື້ນອາຊຽນຢ່າງເລິກເຊິ່ງ. ພ້ອມກັນນັ້ນ, ກໍ່ຊ່ວຍໃຫ້ປະຊາຄົມວິສາຫະກິດຂອງສອງປະເທດຫວຽດນາມ - ສ.ໂອຕລິດ ຊ່ວຍໜູນກັນເພື່ອເສີມຂະຫຍາຍທ່າແຮງຂອງກັນ, ບັນດາໂຄງການຈະໄດ້ຮັບການເຊື່ອມຕໍ່ ແລະ ເປີດກວ້າງໃນໄລຍະທີ່ຈະມາເຖິງ.