ເພີ່ມທະວີການພົວພັນແລກປ່ຽນ,ຮ່ວມມືລະຫວ່າງກະຊວງປ້ອງກັນປະເທດຫວຽດນາມແລະສະຫະພັນລັດເຊຍ
ການພົບປະລະຫວ່າງ 2 ຝ່າຍ
(vovworld) – ຕອນບ່າຍວັນທີ 25/4, ພິທີຕ້ອນຮັບພົນເອກ ໂງຊວນລີກ, ລັດຖະມົນຕີວ່າການກະຊວງປ້ອງກັນປະເທດ ທີ່ພວມຢ້ຽມຢາມ ສະຫະພັນລັດເຊຍຕາມຄຳເຊີນຂອງພົນເອກ Sergey Shoigu, ລັດຖະມົນຕີວ່າການກະຊວງປ້ອງກັນປະເທດ ສະຫະພັນລັດເຊຍ, ຖືກຈັດຕັ້ງຢ່າງເປັນທາງການຢູ່ໂນນພູໄຊຊະນະທີ່ນະຄອນຫຼວງມົດສະກູ. ພາຍຫຼັງພິທີຕ້ອນຮັບ, ຄະນະຜູ້ແທນການທະຫານ 2 ປະເທດ ຫວຽດນາມ ແລະ ສະຫະພັນ ລັດເຊຍ ດຳເນີນການເຈລະຈາ. ນະທີ່ນີ້, ລັດຖະມົນຕີ 2 ທ່ານສະແດງຄວາມເພິ່ງພໍໃຈຕໍ່ການພັດທະນາການພົວພັນຮ່ວມມືດ້ານປ້ອງກັນຊາດລະຫວ່າງ ຫວຽດນາມ ແລະ ສະຫະພັນ ລັດເຊຍ ໃນໄລຍະຜ່ານມາ ແລະ ເນັ້ນໜັກວ່າ 2 ຝ່າຍຄວນຕັ້ງໜ້າປະຕິບັດບັນດາສັນຍາທີ່ໄດ້ລົງນາມແລ້ວ, ສະໜັບສະໜູນເຊິ່ງກັນ ແລະ ກັນໃນບັນດາເວທີປາໄສສາກົນ. ລັດຖະມົນຕີ 2 ທ່ານກໍປຶກສາຫາລືບັນດາບັນຫາກ່ຽວຂ້ອງເຖິງສະພາບການໃນພາກພື້ນ ແລະ ສາກົນເຊິ່ງທັງ 2 ຝ່າຍທ່ີຕ່າງມີຄວາມສົນໃຈ, ພ້ອມທັງຢັ້ງຢືນວ່າ 2 ຝ່າຍຈະສືບຕໍ່ມານະພະຍາຍາມປັບປຸງ ແລະ ພັດທະນາການພົວພັນຮ່ວມມືຫຼາຍດ້ານ, ປະກອບສ່ວນເພີ່ມທະວີການພົວພັນຮ່ວມມືຮອບດ້ານລະຫວ່າງ 2 ປະເທດ.
ກ່ອນໜ້ານັ້ນ, ຕອນບ່າຍວັນທີ 24/4, ທ່ານ ລັດຖະມົນຕີ ໂງຊວນລີກ ພ້ອມກັບຄະນະຜູ້ແທນທະຫານຂັ້ນສູງ ຫວຽດນາມ ໄດ້ໄປວາງພວງມາລາຢູ່ອະນຸສາວາລີປະທານ ໂຮ່ຈີມິນ ທີ່ນະຄອນຫຼວງ ມົດສະກູ. ແລະ ກໍ່ໃນຕອນບ່າຍວັນທີ 24/4, ທ່ານລັດຖະມົນຕີ ໂງຊວນລີກ ໄດ້ໄປຢ້ຽມຢາມຫ້ອງການທູດການທະຫານ ຫວຽດນາມ ປະຈຳສະຫະພັນ ລັດເຊຍ.