ເພີ່ມທະວີການຮ່ວມມື, ບຳລຸງສ້າງພະນັກງານການເມືອງລະຫວ່າງ ຫວຽດນາມ ແລະ ລັດເຊຍ
ສະຖານບັນການເມືອງ - ການປົກຄອງແຫ່ງຊາດ ໂຮ່ຈີມິນ
(ພາບປະກອບ)
(vovworld) – ວັນທີ 27/5, ສາດສະດາຈານ, ດຣ ຕະງອກເຕີ໋ນ, ຫົວໜ້າສະຖານບັນການເມືອງ - ການປົກຄອງແຫ່ງຊາດ ໂຮ່ຈີມິນ ໄດ້ນຳໜ້າຄະນະຜູ້ແທນສະຖາບັນໄປຢ້ຽມຢາມ ແລະ ເຮັດວຽກກັບການນຳສະຖາບັນເສດຖະກິດແຫ່ງຊາດ ແລະ ການປົກຄອງ ລັດເຊຍ ຂຶ້ນກັບປະທານາທິບໍດີ ແລະ ສະຖາບັນຕາເວັນອອກໄກ ຂຶ້ນກັບສະຖາບັນມະຫາບັນດິດວິທະຍາສາດສະຫະພັນລັດເຊຍ. ທີ່ສະຖາບັນເສດຖະກິດແຫ່ງຊາດ ແລະ ການປົກຄອງ ລັດເຊຍຂຶ້ນກັບ ປະທານາທິບໍດີ, ຄະນະຜູ້ແທນສະຖາບັນການເມືອງ - ການປົກຄອງແຫ່ງຊາດ ໂຮ່ຈີມິນ ມີການແລກປ່ຽນ ກັບການນຳໂຮງຮຽນກ່ຽວກັບຄວາມສາມາດບົ່ມຊ້ອນໃນການຮ່ວມມືລະຫວ່າງ 2 ສະຖາບັນໃນອະນາຄົດ. 2 ຝ່າຍໄດ້ເຊັນບົດບັນທຶກຊ່ວຍຈຳກ່ຽວກັບການຊຸກຍູ້ການພົວພັນຮ່ວມມືລະຫວ່າງສະຖາບັນ 2 ແຫ່ງ.
ທີ່ສະຖາບັນຕາເວັນອອກໄກ ຂຶ້ນກັບສະຖາບັນມະຫາບັນດິດວິທະຍາສາດສະຫະພັນ ລັດເຊຍ, ຄະນະຜູ້ແທນສະຖາບັນການເມືອງ - ການປົກຄອງແຫ່ງຊາດ ໂຮ່ຈີມິນ ໄດ້ແລກປ່ຽນກັບສະມາຊິກສະຖາບັນມະຫາບັນດິດ, ຫົວໜ້າສະຖາບັນຕາເວັນອອກໄກ ທ່ານ Mikhail Titarenko ແລະ ບັນດານັກຄົ້ນຄ້ວາ ຫວຽດນາມຂຶ້ນກັບສູນຄົ້ນຄ້ວາ ຫວຽດນາມ ແລະ ອາຊຽນ. 2 ຝ່າຍໄດ້ແນະນຳບັນດາຄວາມສາມາດບົ່ມຊ້ອນຮ່ວມມືໃນການບຳລຸງສ້າງບັນດາພະນັກງານຄົ້ນຄ້ວາວິທະຍາສາດເວົ້າລວມ ແລະ ຄົ້ນຄ້ວາ ຫວຽດນາມ ເວົ້າສະເພາະ, ພິເສດແມ່ນເລື່ອງສ້າງຕັ້ງສະຖາບັນຄົ້ນຄ້ວາ ໂຮ່ຈີມິນ ຢູ່ສະຖາບັນຕາເວັນອອກໄກ. ຄະນະມີແຜນການຈະໄປຢ້ຽມຢາມ Minsk (ເບລາຣຸດ) ແລະ St. Peterburg ເພື່ອແລກປ່ຽນ, ຊອກຮູ້ບັນດາເພື່ອນຮ່ວມອາຊີບໃນຂົງເຂດຄຸ້ມຄອງ ແລະ ບໍລິຫານ.